![Misir prezidentinə ultimatum verilib](https://turan.az/resized/media/2013/main/070100041139-750-500-resize.webp)
Misir prezidentinə ultimatum verilib
Misirdə etirazçılar hakim “Müsəlman qardaşlar” hərəkatının mənzil-qərargahını tutublar. Onlar öncə binanı yandırıblar, sonra qırğın törədiblər. Xarici KİV yazır.
Hücum zamanı ofisdə hərəkat üzvləri olmayıb, çünki iyulun 1-də səhər onları binadan çıxarıblar. Şahidlər bildirirlər ki, binadan məişət əşyaları, o cümlədən mebel çıxarılır.
Reuters hüquq-mühafizə orqanlarına istinadən bildirib ki, bunaya hücum zamanı beş nəfər həlak olub. Bundan əlavə, 100 nəfər yaralanıb.
“Müsəlman qardaşlar”ın mənzil-qərargahına hücum iyunun 30-dan davam edib. Əsasən gənclərdən ibarət etirazçılar binaya daş, içində alışdırıcı qatışıq olan butılkalar atıblar. Mənzil-qərargahda olan şəxslər, o cümlədən gözətçilər hücumçulara atəş açıblar.
İyulun 1-də “Tamarrud” müxalifət hərəkəti Misir prezidenti Məhəmməd Mursiyə ultimatum göndərib. Hərəkat bildirib ki, əgər çərşənbə axşamı gecəyə kimi öz postundan getməsə etirazçılar vətəndaş itaətsizliyi aksiyası təşkil olunacaq və preziden sarayına hücum olacaq.
İyunun 30-da Misirin müxtəlif şəhərlərində Məhəmməd Mursunun inauqurasiyasının ildönümü münasibətilə hökumət əleyhinə kütləvi etiraz aksiyaları keçirilib. Agentliyin məlumatına görə, təkcə Qahirədə və İsgəndəriyyədə küçələrə milyon adam çıxıb. Bu aksiyalar 2011-ci ilin ən çoxsaylı aksiyaları kimi qəbul edilib. İğtişaş qurbanların dəqiq sayı məlum deyil. Bəzi məlumatlara görə, 5-dən 14-dək adam ölüb.
Məhəmməd Mursinin əleyhdarları onu ölkəni islamlaşdırmaqda, həmçinin Misirdə avtoritar rejim yaratmaqda ittiham edirlər. Prezident bundan əvvəl bəzi səhvlərə yol verdiyini etiraf edib, lakin istefa verməkdən imtina edib.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz