Polşa Maliyyə Nəzarəti Agentliyi tərəfindən Azərbaycan Respublikasının Qiymətli Kağızlar üzrə Dövlət Komitəsinin (QKDK) əməkdaşları üçün təlimlər keçirilib.
QKDK mətbuat xidmətində Turan-a bildiriblər ki, bir həftəlik səfər zamanı QKDK, Bakı Fond Birjasının və Milli Depozit Mərkəzinin əməkdaşları Polşanın Maliyyə Nəzarəti Agentliyində, Varşava Fond Birjasında və Polşanın Mərkəzi Depozitarında investorların kompensasiya sxemləri, udulma əməliyyatları (takeover bids), investorların hüquqlarının müdafiəsi, blok treydinq, ticarət sistemi və omnibus hesabı əməliyyatları mövzularında təlimlərdə iştirak ediblər.
Azərbaycanda Avropa İttifaqının direktivləri əsasında Mülki Məcəlləyə udulma əməliyyatları, investorların hüquqlarının müdafiəsi üzrə əlavələr edilməsi barədə qanun layihəsi hazırlanıb. Onun nə vaxt qəbul ediləcəyi məlum deyil.
Polşa Maliyyə Nəzarəti Agentliyi tərəfindən həyata keçirilən “Tvinninq” layihəsinin məqsədi Azərbaycanda qiymətli kağızlar bazarının institusional, hüquqi və tənzimləyici çərçivəsinin Avropa İttifaqında mövcud olan standartlara uyğunlaşdırılması, habelə bazar iştirakçılarının məlumatlılığının artırılmasına dəstək göstərilməsindən ibarətdir. 08D
İqtisadiyyat
-
Azərbaycan Xəzər Dəniz Gəmiçiliyi QSC (ASCO) 28 noyabr tarixində inşa edilmiş yeni gəmi - "Bərgüşadçay"ın istismara verildiyini elan edib. ASCO-nun açıqlamasına əsasən, bu gəmi Xəzər Dənizi Neft Donanmasının balansına köməkçi gəmi kimi daxil edilib.
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
Rəy yaz