Milli Şuranın üzvü ailəsinə qarşı təzyiq odğunu bildirir
Milli Şuranın üzvü ailəsinə qarşı təzyiq odğunu bildirir
Milli Şuranın Koordinasiya Mərkəzinin üzvü Vidadi Mirkamal ailəsinə qarşı təzyiqlərin olduğunu bildirir.
O hesab edir ki, təzyiqlər Milli Şuranın mayın 19-na təyin etdiyi mitinqlə bağlıdır. Belə ki, Vidadi Mirkamal Bakı Şəhər İcra Hakimiyyətinə mitinqlə bağlı xəbərdarlıq məktubunu imzalayıb.
Vidadi Mirkamal bildirib ki, mayın 4-də polis sahə müvəkkili onun qeydiyyatda olduğu ünvana gedərək özünün və övladlarının hansı siyasi partiyanın üzvü olmasını, harada işləməsini sorğu edib.
"Mənim qeydiyyatda olduğum ünvana sahə rəisi gəlib və məni soruşub, ona bildiriblər ki, mən bag evindəyəm. Polis sahə rəisi polisə dəxli olmayan suallar verməyə başlayıb. Vidadi müəllim hansı partıyanın üzvüdür? Oğlanları harada işləyir və digər suallar. Evdən deyiblər özü ilə danışın. Mən sahə rəisi ilə telefonla danışdım. Soruşdum ki, mənim partiya üzvü olmağım, oğlanlarımın harda işləməsi polisin nəyinə lazımdır? Portallar əlinizdədir, girin məlumatları oradan alın. Polis mayoru mənə dedi ki, onu rəhbərliyi göndərib. Mən bu mədəni polis mayoruna izah etməyə çalışdım ki, 25 il Bakı Dövlət Universitetinin hüquq fakültəsində mühazirə oxumuşam, Ədliyyə generalıyam və Vəkillər Kollegiyasının üzvüyəm. Amma sizin bu hərəkətiniz Konstitusiyaya və qanunlara ziddir. Gedin və sizə bu göstərişləri verən rəhbərlərinizə göstərişin qanunsuz olduğunu mənim adımdan izah edin. "Yaxşı" dedi və telefon danışığımız bununla bitdi", deyə o, qeyd edib.
Vidadi Mirkamalın sözlərinə görə, telefon danışığından sonra oğluna polisdən zəng edib onunla görüşmək istədiklərini və harada işlədiyini soruşublar.
"Oğlum da bu görüşün nəyə görə olduğunu soruşub. Polis isə bu göstərişin rəislərindən gəldiyini deyib. Oğlum da ona rəsmi çağırış göndərəcəkləri halda onlarla görüşə biləcəcəyini deyib. Məlumat üçün deyim ki, hər iki oğlum hüquqşünasdır və mənim siyasi baxışlarıma görə bütün qapılar onların üzünə bağlıdır", deyə o, qeyd edib.
Bununla yanaşı, Daxili İşlər Nazirliyinin mətbuat xidməti Turan-ın Vidadi Mirkamalın özünə və ailəsinə qarşı təzyiqlərlə bağlı yazdığı status barədə sorğusuna hələ cavab verməyib.
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz