Minsk qrupu həmsədrləri Xocalı hava limanı ilə bağlı Azərbaycanı yola gətirə bilmədilər

Ermənistan tərəfin Dağlıq Qarabağda Xocalı hava limanının təktərəfli istismarına başlamaq cəhdləri Azərbaycanın hava məkanının pozulması kimi qiymətləndiriləcək.

    Bu barədə Azərbaycan Dövlət Mülki Aviasiya İdarəsinin Ermənistan tərəfin hava limanını işə salmağa və Xankəndindən Yerevana və geriyə uçuşlara başlamağa hazır olması barədə bəyanatı ilə əlaqədar bildirib.

    Azərbaycan tərəfin icazəsi olmadan Azərbaycan ərazisi üzərində bir təyyarə belə uça bilməz. Belə bir uçuş baş tutsa, təyyarə sərhəd pozucusu hesab olunacaq və müvafiq tədbirlər görüləcək, bu barədə Dövlət Mülki Aviasiya İdarəsinin məlumatında bildirilir.

    Xatırladaq ki, ötən həftə Minsk qrupunun həmsədrləri hava limanının istismarının Qarabağı statusunun müəyyən edilməsinə təsir göstərməyəcəyi barədə bəyanatla çıxış ediblər və tərəfləri güc tətbiqindən yayınmağa çağırıblar. Lakin Bakı bugünki bəyanatı ilə həmsədrlərin çağırışının yersiz olduğunu və hava sərhədinin pozulmasının qarşısının alınacağını göstərdi.

    Mümkün ssenariləri Turana şərh edən hərbi ekspertlər qeyd ediblər ki, Ermənistandan Qarabağa mülki aviasiya uçuşları mütləq Laçın və ya Kəlbəcər (Qarabağ ətrafında Azərbaycan rayonları) üzərindən keçəcək. Daha sonra təyyarə Əsgəran üzərində dairə vuraraq, mütləq Ağdam rayonu üzərinə keçəcək (Qarabağ ətrafında işğal edilmiş daha bir rayon). Yəni uçuşun qarşısının alınması üçün kifayət qədər hüquqi əsaslar var.

    Hərbi vasitələrə gəlincə, Azərbaycanın bu təyyarələrin uçuşuna mane olacaq şərait yaratmaq və ya onları məhv etmək üçün lazımi qədər HHM vasitəsi – müxtəlif dərəcəli və modifikasiyalı yer-hava raketləri, habelə təyyarənin elektron rabitə vasitələrini sıradan çıxaracaq və ya işini ciddi şəkildə pozacaq elektron maneələri var. Bununla uçuşlar sərnişinlər üçün həddindən artıq təhlükəli ola bilər, bu, ilk reyslə uçacağını vəd edən Serj Sarkisyan olsa belə. -02В-