ARDNF-nin gəlirləri 5,6% azalıb
Azərbaycan Dövlət Neft Fondunun aktivləri 2012-ci ilin I yarısında $2866 mln və ya 9,6% artaraq $32666 mln olub. Büdcə gəlirləri ötən ilin eyni dövrü ilə müqayisədə 5,6% azalaraq 7391,9 mln manat, xərclər 88,1% artaraq 4878,1 mln manat təşkil edib.
Fondun icraçı direktoru Şahmar Mövsümov I yarımilin yekunlarına həsr edilən mətbuat konfransında bildirib ki, ARDNF mədaxilinin əsas hissəsini PSA tipli müqavilələr üzrə mədaxil – 7099,8 mln manat, o cümlədən mənfəət neftinin satışından gəlirləri 7091,4 mln manat olub. Tranzit ödənişləri 3,8 mln manat, bonus ödənişləri 1,6 mln manat, xarici sərmayəçilər tərəfindən təhvil verilmiş aktivlərdən mədaxil 0,2 mln manat olub.
Neft Fondunun vəsaitlərinin idarə olunmasından əldə olunan gəlirlər 292,1 mln manat təşkil edib. Bu, ötən ilin eyni dövründəkindən 2,2 dəfə çoxdur.
Hesabat dövründə ARDNF-nin qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsi xərcləri З 162,5 mln manat, Samur-Abşeron suvarma sisteminin yenidən qurulması xərcləri 67 mln manat olub. 2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində xərclər 5 mln manat təşkil edib. "Bakı-Tbilisi-Qars yeni dəmir yolu" layihəsinin maliyyələşdirilməsi xərcləri 37 mln manat olub. Dövlət büdcəsinə transfertlər 4592,3 mln manat təşkil edib.
Bu ildən Fond qızıla investisiya qoyur. 1 iyul üçün 6847 kq (220146 unsiya) qızıl alınıb.--15B--
-
- Cəmiyyət
- 24 İyul 2012 19:19
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz