Minsk Qrupunun həmsədrləri cəbhə xəttini keçiblər (YENİLƏNİB)

ATƏT-in Minsk qrupunun həmsədirləri bu gün Qazax rayonunun Bala Cəfərli kəndi yaxınlığında Ermənistan və Azərbaycan silahlı qüvvələrinin təmas xəttində monitorinq zamanı cəbhə xəttini keçiblər. Müdafiə Nazirliyinin mətbuat xidmətinin məlumatına görə, monitorinq zamanı Ermənistan tərəfindən atəş səsləri eşidilib.

Həmsədrlər Ermənistanda ölkə rəhbərliyi ilə danışıqları davam etdirəcəklər. Vasitəçilərin hazırki səfərinin məqsədi Ermənistan və Azərbayan prezidentlərinin oktyabrın sonlarında keçiriləcək Paris görüşünün hazırlanmasından ibarətdir. -16D-

2014 Oktyab 16 (Cümə axşamı) 11:23:19

ATƏT-in fəaliyyətdə olan sədrinin şəxsi nümayəndəsinin mandatına uyğun olaraq oktyabrın 16-da Qazax rayonunun Bala Cəfərli kəndinin yaxınlığında qoşunların təmas xəttində monitorinq keçiriləcək.

Müdafiə Nazirliyinin mətbuat xidmətinin məlumatına görə, monitorinqi Azərbaycan tərəfdən ATƏT-in fəaliyyətdə olan sədrinin şəxsi nümayəndəsinin səhra köməkçiləri Jiri Aberle və Peter Svedberq, Ermənistan tərəfdən səhra köməkçiləri Xristo Xristov və Simon Tiller keçirəcəklər.

Monitorinq zamanı ATƏT-in Minsk Qrupunun həmsədrləri – İqor Popov (Rusiya), Pyer Andryu (Fransa), eləcə də C.Uorlikin köməkçisi David Salvo, İ.Popovun köməkçisi Yelena Kravçenkonun təmas xəttinin qarşı tərəfinə keçməsi planlaşdırılır.-03D-