Tbilisi/02.10.12/Turan-BS PRESS: Gürcüstan prezidenti Mixail Saakaşvili oktyabrın 2-də xüsusi məruzəsində bildirib ki, hakim “Vahid milli hərəkat” partiyası müxalifətə keçir və dövlət başçısı olaraq seçkilərdən sonra parlamentin işə başlamasına, sədr seçməsinə və yeni hökuməti formalaşdırmasına şərait yaradacağına söz verib.
Seçki məntəqələrinin 30%-dən alınmış məlumatların yoxlanmasının nəticələrinə görə, Bidzin İvanişvilinin “Gürcü arzusu” bloku parlament seçkilərində proporsional sistem üzrə seçicilərin 53,19%-nin səsini alıb, deyə Gürcüstan MSK məlumat verir. “Vahid milli hərəkat” partiyası 41,51% səs alıb.
““Milli Hərəkat” partiyasının lideri olaraq bildirirəm ki, partiyamız müxalifətə keçir”, deyə Saakaşvili bildirib.
“Müxalifət qüvvəsi olaraq ölkəmizin gələcəyi haqqında daha çox düşünəcəyik və Gürcüstanın inkişafı nöqteyi-nəzərdən son illərdə yaradılan hər şeyin qorunub saxlanması uğrunda mübarizə aparacağıq”, deyə o bildirib.
““Gürcü arzusu” koalisiyasının baxışları mənim üçün qəbuledilməz idi, aramızda böyük fərq var. Biz hesab edirik ki, onların baxışları çox yanlışdır. Amma demokratiya elə işləyir ki, qərarı gürcü xalqının əksəriyyəti qəbul edir. Biz bu seçimə hörmət edirik”, deyə prezident bildirib.
““Qızılgül inqilabı”ndan sonra Gürcüstanda nail olduqlarımız təkcə ölkə tarixi üçün əhəmiyyət daşımır, bu, dövlətçilik tarixində ən maraqlı dövrlərdən biridir”, deyə Saakaşvili qeyd edib. -02D-
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz