Cənubi Azərbaycan Milli Hərəkatının lideri Mahmudəli Çöhrəqanlının İran rejiminə qarşı uzunmüddətli mübarizəsi ilə əlaqədar Azərbaycan hakimiyyəti ötən həftə onun ölkəyə girişini qadağan edib.
“Yenə niyə gəlmisiniz?” – Bakı beynəlxalq hava limanının vəzifəli şəxsi onu bu acıqlı sözlərlə qarşılayaraq, onun adının “arzuolunmaz şəxslər və təşkilatlar siyahısına daxil edildiyini” qeyd edib.
Bir neçə saat hava limanında saxlanıldıqdan sonra Çöhrəqanlının sənədləri təyyarə ekipajına təhvil verilib, baqajı isə onun son 10 ildir siyasi mühacirətdə yaşadığı ABŞ-a qaytarılıb.
“Onlar mənə düşmən kimi yanaşdılar... bu, satqınlıqdır, ... məni sadəcə alçaltdılar”, deyə o, Turan-ın Vaşinqton müxbirinə bildirib.
Bu, Qəbələdə türk ölkələri başçılarının “türk dünyasının möhkəmləndirilməsi” yollarını müzakirə etdikləri türkdilli ölkələrin sammitindən bir neçə saat sonra baş verib.
İran rejimi ilə möhkəm siyasi və iqtisadi əlaqələr quran Türkiyə də ötən ilin noyabrında Çöhrəqanlının İstanbul aeroportundan deportasiya edib.
Azərbaycanlıların hüquqlarının müdafiəsinin tərəfdarı olan Çöhrəqanlı Tehran rejiminə qarşı mübarizədə ən nüfuzlu fiqurlardan biri kimi qəbul edilir. O, həbs edilib, həbsxanada işgəncələrə məruz qalıb, 2000-ci ildə beynəlxalq ictimaiyyətin uzunmüddətli və israrlı tələblərindən sonra sərbəst buraxılıb. 2006-cı ildən etibarən o, Azərbaycana buraxılmır.
Bu dəfə hakimiyyət deportasiyanı “sənədlərdə pozuntularla” izah edib.
“Bu, yalandır. Səfərdən 8 gün əvvəl bütün lazımi sənədlər Azərbaycan səfirliyinə təqdim edilib. Onlar hətta mənə Bakıda otel sifariş etməyi təklif ediblər, baxmayaraq ki, mən dostlarımın yanında qalmağı planlaşdırırdım.
Dörd dəfə səfirliyə müraciət etdim, mənə dedilər ki, viza almasam belə, Bakı aeroportunda mənə viza veriləcək”, deyə o bildirib.
Bu arada, Çöhrəqanlının deportasiyası Tehranda müsbət qarşılanıb, burada Azərbaycanın addımları alqışlanıb.
Baş verənlərə baxmayaraq, Çöhrəqanlı Azərbaycan səfirliyindən viza almaq üçün yenidən ərizə vermək niyyətindədir.
“Azərbaycan mənim vətənimdir və mən inciməyəcəyəm. Azərbaycan və Türkiyə bir şəxsə məxsus deyil”, deyə o qeyd edib. -25В-
Siyasət
-
Sentyabrın 16-dan etibarən ölkənin bir sıra hökumətyönlü KİV-ləri Çeçenistanda beş Azərbaycan vətəndaşının saxlanıldığı və Ukraynaya müharibəyə göndərildiyi haqqında məlumatlar dərc edir. Bu məlumatın mənbəyi açıqlanmır.
-
Bazar ertəsi Mahsa Əmininin ölümünün ikinci ildönümündə ABŞ və müttəfiqləri iranlılara dəstək vəd ediblər və İranı insan hüquqlarının pozulmasına son qoymağa çağırıblar, xəbəri Turan-ın Vaşinqtondakı müxbiri verib.
-
Bu yaxınlarda Gürcüstanda etirazların amansızca yatırılmasına cavab olaraq ABŞ hakimiyyəti bazar ertəsi Gürcüstan hökumətinin yüksək vəzifəli məmurlarına, həmçinin onların ailə üzvlərinə qarşı maliyyə sanksiyaları və səfər qadağaları da daxil olmaqla, yeni sanksiyalar tətbiq edildiyini elan edib, xəbəri Turan-ın Vaşinqtondakı müxbiri verib.
-
Dövlət Departamentinin sözçüsü Metyu Miller gündəlik brifinqdə deyib: “Biz hər iki ölkənin davamlı və şərəfli sülh razılaşması əldə etmək səylərini dəstəkləməyə davam edirik”.
Rəy yaz