![Moskva Bakı və Yerevanın qərbli vasitəçilər olmadan ünsiyyət qurmasından məmnundur](https://turan.az/resized/news/2024/LYCaEz9Vjp6HcMBcQZPVV2XUhEFxAxX1KnBKKZLB-750-500-resize.webp)
Moskva Bakı və Yerevanın qərbli vasitəçilər olmadan ünsiyyət qurmasından məmnundur
Moskva Bakı və Yerevanın qərbli vasitəçilər olmadan ünsiyyət qurmasından məmnundur
Rusiya Ermənistan və Azərbaycan xarici işlər nazirlərinin sülh müqaviləsinin işlənib hazırlanması üçün 10-11 may tarixlərində Qazaxıstanda keçirilən görüşünü müsbət qiymətləndirir. Bu barədə TASS-a müsahibəsində RF xarici işlər nazirinin müavini Mixail Qaluzin bildirib.
"Bu görüşlərin 2020-2022-ci illərdə yüksək səviyyədə əldə edilmiş, sülh müqaviləsi ilə yanaşı, Azərbaycan və Ermənistan arasında nəqliyyat əlaqələrinin və iqtisadi əlaqələrin açılmasını, sərhədin delimitasiyasını, vətəndaş cəmiyyəti xətti ilə əlaqələrin inkişafını da nəzərdə tutan üçtərəfli razılaşmalar çərçivəsində keçirilməsi çox vacibdir", deyə o bildirib.
KTMT-dən çıxdığı təqdirdə Ermənistanın təhlükəsizliyi üçün hansı risklər var? Bu suala cavabda nazir müavini qeyd
edib ki, Yerevan üçün alternativ yoxdur. 2022-ci ildə Yerevan Azərbaycanla sərhədə KTMT müşahidəçilərini buraxsaydı Ermənistanın bugünki risklərinin bir çoxunu aradan qaldırmaq olardı.
Avropa İttifaqının missiyasına gəlincə, Qaluzinin sözlərinə görə, o "dövlətlərin sərhədlərini qorumur, Azərbaycan, İran və Rusiya əleyhinə kəşfiyyat məlumatları yığmaqla məşğul olur.
Ermənistanın Qərblə yaxınlaşmaqda davam etməsi ölkənin suverenliyi üçün təhlükə təşkil edir və "Rusiya və KTMT üzrə digər müttəfiqlərlə vahid müdafiə tərəfdaşlığının qurulması üzrə birgə işə qayıtmağı qeyri-mümkün edəcək", RF-nin nazir müavini belə hesab edir.
""Kollektiv Qərbin" postsovet məkanında həyata keçirdiyi ekspansiya resursların çıxarılmasına və regionda öz təsirinin genişləndirilməsinə yönəlmiş çoxəsrlik müstəmləkəçilik fəaliyyətinin təzahürüdür", Qaluzin belə hesab edir.
-
- Siyasət
- 5 İyun 2024 13:26
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz