![ABŞ Rusiyanın dezinformasiyasından "həddindən artıq narahatdır"](https://turan.az/resized/news/2024/PrGAlNsojMkBm6BRr1hGQXpmfHh1GwkCSQXc1s1C-750-500-resize.webp)
ABŞ Rusiyanın dezinformasiyasından "həddindən artıq narahatdır"
ABŞ Rusiyanın dezinformasiyasından "həddindən artıq narahatdır"
Rusiya hökuməti "Avropada və bütün dünyada yalan və şayiələri yaymaq üçün dezinformasiyadan istifadə edir", bu barədə çərşənbə axşamı Dövlət Departamenti bildirib.
Brifinqdə Turan-ın Avropada bu həftə sonu keçiriləcək seçkilər ərəfəsində Rusiyanın dezinformasiyasının artması haqqında sualına cavabda mətbuat katibi Metyu Miller bildirib ki, ABŞ Rusiyanın dezinformasiyasından "həddindən artıq narahatdır".
"Bu, ötən həftə Praqada NATO xarici işlər nazirlərinin görüşündə danışıqların mühüm mövzusu olub, dövlət katibi bu məsələni qaldırıb və avropalı tərəfdaşlarımızın da ciddi narahatlıqları olduğunu eşidib", deyə o, əlavə edib.
"Biz Rusiya hökumətinin öz xalqına qarşı, Avropada və bütün dünyada yalan və şayiələri yaymaq üçün dezinformasiyadan necə istifadə etdiyini gördük. Və biz buna necə daha yaxşı cavab verəcəyimizi tərəfdaşlarımızla müzakirə edirik", deyə Miller bildirib.
ABŞ-ın guya parlament seçkiləri ərəfəsində "yeni Maydan təşkil etməyi planlaşdırdığı" haqqında Rusiya dezinformasiyası ilə bağlı suala cavabda Miller deyib ki, bu, Kreml tərəfindən dezinformasiya kampaniyasının daha bir nümunəsidir.
"Son bir neçə həftədir Gürcüstanda gördükləriniz gürcü xalqının öz iradəsini ifadə etməsi və Gürcüstan hökumətinin qəbul etdiyi Rusiyayönümlü qanuna etirazıdır. Bunun Birləşmiş Ştatlarla heç bir əlaqəsi yoxdur, bu, Gürcüstan xalqının mövqeyidir.
Bir müddət əvvəl Rusiya xarici işlər nazirinin müavini Mixail Qalluzin bildirib ki, Gürcüstanda "xarici agentlər haqqında" qanun qəbul edildikdən sonra ölkədəki gərginlik fonunda Qərb, "ola bilər ki, Gürcüstanda hökuməti devirməyi planlaşdırır".
Siyasət
-
Ermənistan Parlamentinin spikeri Alen Simonyan bildirib ki, Amerika senatorları ilə Yerevanda keçirilən görüşdən sonra Azərbaycanla sülh müqaviləsinin imzalanmasında heç bir gecikmə yoxdur. "Bu məsələdə top Azərbaycanın tərəfindədir," Simonyan brifinq zamanı qeyd edib.
-
Şimali Kipr Türk Respublikasının Prezidenti Ersin Tatar 5 iyulda Füzuli bölgəsinə gəlib və Şuşada keçiriləcək Türk Dövlətləri Təşkilatının (TDT) dövlət başçılarının qeyri-rəsmi sammitində iştirak edəcək.
-
Belçika Azərbaycana azad edilmiş ərazilərdə minatəmizləmə fəaliyyətlərini dəstəkləmək üçün 250 min avro ayırıb. Bu barədə Azərbaycan Xarici İşlər Nazirliyinin (XİN) İdarə rəisi Qaya Məmmədov X hesabında yazıb.
-
Azərbaycan Prezidenti İlham Əliyev 5 iyul səhəri Qarabağa səfərə başladı və bir neçə mühüm dayanacaqda oldu. Onun ilk məkanı Xocalı hava limanı oldu. Prezident daha sonra Xankəndiyə gedərək təmir edilmiş Saray və Qarabağ otellərinin açılış mərasimlərində iştirak etdi. Səfəri zamanı o, Xankəndi Konqres Mərkəzinin təməlini qoydu və Qarabağ Universitetində görülən işlərlə tanış oldu.
Rəy yaz