![Açiq mənbələrdən foto.](https://turan.az/resized/media/2023/main/070800064143-750-500-resize.webp)
Açiq mənbələrdən foto.
Moskvada Mustafayev və Overçukun sədrliyilə Azərbaycan-Rusiya danışıqları
Bakı/08.07.23/Turan: İyulun 7-də Moskvada Rusiya və Azərbaycan baş nazirlərinin müavinləri Aleksey Overçuk və Şahin Mustafayevin birgə sədrliyilə iqtisadi əməkdaşlıq üzrə hökumətlərarası komissiyanın növbəti, 21-ci iclası keçirilib. Tədbirdə hər iki ölkənin müvafiq qurumlarının, nazirliklərinin və idarələrinin nümayəndələri iştirak ediblər. Bu barədə Rusiya Federasiyası hökumətinin saytında dərc edilmiş məlumatda deyilir.
Tərəflər iqtisadi-ticarət, sənaye, energetika, nəqliyyat, kənd təsərrüfatı, maliyyə, səhiyyə, mədəniyyət, elm, regionlararası əməkdaşlıq, təhsil və turizm sahələrində ikitərəfli əməkdaşlığın illik nəticələrini açıqlayıblar. Regionlararası əməkdaşlığın möhkəmləndirildiyi qeyd edilib.
Rusiya Federasiyasının 70-dən çox subyekti Azərbaycanla ticarət-iqtisadi əlaqələri dəstəkləyir. Rusiyanın 12 regionu Azərbaycan Respublikası hökumətilə ticari-iqtisadi, elmi-texniki və mədəni əməkdaşlıq haqqında sazişlər imzalayıb.
Ölkələr iqtisadiyyatın mobilliyini və sosial-iqtisadi sabitliyi təmin edən kiçik və orta sahibkarlığın dəstəklənməsi və inkişafı istiqamətində əməkdaşlıq edirlər.
Biznez-birliklərin xətti üzrə əlaqələr inkişaf edir. Rusiya-Azərbaycan İşgüzar Şurası fəal işləyir.
"Rusiya-Azərbaycan əməkdaşlığının uğurlu istiqaməti sənaye əməkdaşlığıdır.
İclas zamanı nəqliyyat-logistika sahəsində qarşılıqlı fəaliyyət nəzərdən keçirilib Beynəlxalq buraxılış məntəqələrinin işinin təşkilində irəliləyiş qeyd olunub", - məlumatda deyilir.
Rusiya və Azərbaycan gömrük xidmətləri arasında gömrük əməliyyatlarının sürətləndirilməsinə yönəlmiş konstruktiv qarşılıqlı əlaqə qurulub.
Tərəflər Rusiya-Azərbaycan mədəni-humanitar münasibətlərinin yüksək səviyyədə olduğunu qeyd ediblər.
Ali təhsil və gənclər siyasəti sahəsində ikitərəfli əməkdaşlıq inkişaf edir. 2023-cü ilin fevralında Rusiya tərəfi Bakıda ilk Rusiya-Azərbaycan Elm-Təhsil Forumunun keçirilməsi təşəbbüsü ilə çıxış edib.
İclasın yekunlarına əsasən hökumətlərarası komissiyanın 21-ci iclasının yekun protokolu imzalanıb.
"Tərəflər əməkdaşlığın bütün istiqamətləri üzrə Rusiya-Azərbaycan münasibətlərinin möhkəmləndirilməsinə yönələn konstruktiv dialoqun davam etdirilməsinə hazır olduqlarını təsdiq ediblər", - məlumatda vurğulanır. 06B
-
- Cəmiyyət
- 8 İyul 2023 21:11
Siyasət
-
Azərbaycan cüdoçusu Hidayət Heydərov Parisdə keçirilən Olimpiya Oyunlarınd komandamıza ilk qızıl medalı gətirib.
-
Gürcüstanın Miqrasiya Departamenti azərbaycanlı fəal Avtandil Məmmədova siyasi sığınacaq verməkdən imtina edib və Tbilisi Şəhər Məhkəməsi bu qərarı təsdiqləyib. Bu barədə “Turan”a Məmmədovun özü məlumat verib.
-
İyulun 29-da Bakı Apellyasiya Məhkəməsi hakim Həsən Əhmədovun sədrliyi ilə keçmiş diplomat Emin İbrahimov barəsində həbs qətimkan tədbiri seçilməsi barədə qərarından verdiyi şikayəti təmin etməyib.
-
Baş nazir Əli Əsədovun rəhbərlik etdiyi Azərbaycan nümayəndə heyəti İranın yeni seçilmiş prezidenti Məsud Pezeşkiyanın andiçmə mərasimində iştirak etmək üçün iyulun 30-da Tehrana səfər edəcək.
Rəy yaz