![MSK beş seçki məntəqəsində seçkilərin nəticələrini ləğv edib](https://turan.az/resized/news/2024/PsG0tqSKBDLOaLWjsYZB4IDv5TqXlL0cEvRqjWHU-750-500-resize.webp)
MSK beş seçki məntəqəsində seçkilərin nəticələrini ləğv edib
MSK beş seçki məntəqəsində seçkilərin nəticələrini ləğv edib
Sentyabrın 11-də Mərkəzi Seçki Komissiyasının Nəsimi-Yasamal 22-ci seçki dairəsinin üç seçki məntəqəsində aşkar edilmiş pozuntularla əlaqədar olaraq növbədənkənar parlament seçkilərinin nəticələrini ləğv edib. Lakin bu qərar ümumilikdə 36 seçki məntəqəsi olan dairə üzrə seçkilərin ümumi nəticəsinə təsir etməyib.
Üç məntəqə üzrə nəticələr ləğv edildikdən sonra Demokratik İslahatlar Partiyasının rəhbəri, sonuncu çağırış parlamentin deputatı Asim Mollazadə hələ də ilk sıradadır. Pozuntularla bağlı şikayətləri isə ReAl partiyasının sədri İlqar Məmmədov verib.
Eyni zamanda, Lənkəran kənd seçki dairəsinin iki məntəqəsində seçkilərin nəticələri etibarsız hesab olunub. Şikayət deputatlığa namizəd Əzizxan Əzizov tərəfindən verilib. Lakin bu halda da nəticələrin ləğvi dairə üzrə seçkilərin ümumi nəticələrinə təsir etməyib, burada hakim partiyanın nümayəndəsi, tarixçi Anar İsgəndərov liderlik edir.
MSK sədri Məzahir Pənahov ümumilikdə pozuntularla bağlı 12 şikayət daxil olduğunu bildirib. Şikayətlərin qəbul edilməsi müddəti bu gün saat 18:00-da başa çatır.
Siyasət
-
“Aİ İşgəncənin və Qeyri-insani və ya ləyaqəti alçaldan rəftar və cəzanın qarşısının alınması üzrə Avropa Komitəsinin (CPT) 114-cü plenar iclasında (iyul 2024) Azərbaycanla bağlı qəbul edilmiş ictimai bəyanatı nəzərə alır.
-
Bu gün Bakı Apellyasiya Məhkəməsi tədqiqatçı Bəhruz Səmədovun mənzilində qanunsuz axtarış aparılması ilə bağlı şikayətinə baxıb və Səbail Rayon Məhkəməsinin 5 sentyabr tarixli qərarını qüvvədə saxlayıb. Bu barədə Turan-a vəkil Zibeydə Sadıqova bildirib.
-
"Bu gün səfir Mark Libby başda olmaqla, ABŞ səfirliyinin əməkdaşları Nyu-Yorkda 11 sentyabr hücumlarında həlak olmuş 2977 günahsız insanın xatirəsini yad etmək üçün toplaşıblar.
-
Sentyabrın 11-də Bakı Ağır Cinayətlər Məhkəməsində Kanal-11-in rəhbəri Teymur Kərimovun işi üzrə prosesdə zərərçəkmiş Leyla Almaszadənin ifadəsi dinlənilib.
Rəy yaz