MTN-də həbslər

Oktyabrın 19-da Səbail rayon məhkəməsi Milli Təhlükəsizlik Nazirliyinin bir sıra əməkdaşları barəsində qətimkan tədbiri seçib. Onlara qarşı Azərbaycan CM-in vəzifə səlahiyyətlərindən sui-istifadə (308-ci maddə) və vəzifə səlahiyyətlərini aşma (309-cu maddə) maddələri ilə ittiham irəli sürülüb. Bu barədə hüquq-mühafizə orqanlarındakı mənbələr məlumat yayıb. Hələlik həbs edilənlərin soyadları açıqlanmır. Amma elə həmin mənbələrin məlumatına görə, onlar arasında oktyabrın 17-də vəzifədən azad edilmiş MTN şefi Eldar Mahmudova yaxın olan yüksək vəzifəli məmurlar var.

Araşdırmanı Azərbaycanın Xüsusi Dövlət Mühafizə Xidmətinin və Baş Prokurorluğun əməkdaşlarından ibarət birgə qrup həyata keçirir. İstintaqa nəzarəti baş prokurorun birinci müavini Rüstəm Usubov həyata keçirir.

Həbs edilənlərə qarşı biznes qurumlarında əsassız yoxlamaların həyata keçirilməsi, pul tələb etmə, şantaj yolu ilə pay iştirakına daxil olma ittihamları irəli sürülür. –0--