- Mədəniyyət
- 19 Oktyabr 2015, 19:51
- 143
"Baku Fashion Night" sona çatdı
18 oktyabr tarixində “Excelsior Hotel & Spa Baku” otelində "Baku Fashion Night" tədbirinə həsr edilmiş mətbuat konfransı keçirildi. Mətbuat konfransında “Excelsior Hotel & Spa Baku” otelinin baş meneceri Turhan Poyraz, "FMS Models" məktəbinin rəhbəri Lyubov Quturova, Dizayner Fəxriyyə Xələfova, “İD FASHİON“ kanalının baş prodüseri Vasil Klumçik, məşhur ispan dizayneri Cordi Dolman və başqaları iştirak etdilər.
“FMS Models" məktəbinin rəhbəri Lyubov Quturova bildirdi ki, “Baku Fashion Nights” layihəsi ildə iki dəfə: Payız-Qış və Bahar-Yay mövsümlərində keçirilir. Bu tədbir “FMS Models” model agentliyi, “Excelsior Hotel& Spa” oteli və “İD Fashion” telekanalı tərəfindən yaradılmış və təşkil olunmuşdur və artıq 4-cü dəfədir ki, keçirilir. Layihənin baş sponsoru “Mersedes Benz Auto Capital” şirkətidir.
Oktyabrın 16-dan 18-nə qədər “Excelsior Hotel & Spa Baku” otelində həm yerli, həm də xarici ölkə dizaynerlərinin nümayişləri baş tutmuşdur.
16 oktyabr:
1. Əsli Cekson – Türkiyə
2. Veronika Vero – Ukrayna
3. Ülkər Hüseynova – Azərbaycan
17 oktyabr:
1. Fəxriyyə Xələfova – Azərbaycan
2. Günay Quliyeva – Azərbaycan
3. Güləbətin Əsgərova – Azərbaycan
18 oktyabr:
1. Corci Dalmau
Layihədə xarici ölkə dizaynerləri iştirak etmişlər. Əsli Cekson uzun illər İngiltərədə yaşayıb. 2004-cü ildə Londonda “Texnologiya və geyimin dizaynı” ixtisası üzrə “İncəsənət Akademiyası”nı bitirdikdən sonra onun üçün Vivienne Westwood və Alexander Mcquenn kimi brendlərlə işləmək imkanı yarandı. 2010-cu ildə o, bir layihədə iştirak etmək üçün İstanbula gəldi. Bu şəhərə yenidən vurulan Əsli öz karyerasını eyni zamanda burada da davam etdirməyə qərar verdi.
Yaradıcısı və ideya ruhlandırıcısı dizayner Veronika Vero olan Ukraynanın VERMICHELLE brendi. VERMICHELLE gözəlliyə, keyfiyyətə və fərdiliyə qiymət verənlərə istiqamətlənmişdir. Brend fashion-sənayesi bazarını elə sürətlə ələ almışdır ki, onun yeni kolleksiyalarını hamı səbirsizliklə gözləyir.
Layihənin sonuncu günündə Milan, Paris və Barselona moda həftələrində iştirak edən məşhur ispan dizayneri Corco Dalmau öz kolleksiyasını təqdim etdi. Corco Dalmau dünyada ən qeyri-adi toy libaslarının yaradıcısıdır. Jordi Dalmau Novias Moda evi 2001-ci ildə Barselonada toy libaslarında rənglərə və xırda detallara xüsusi diqqət yetirməklə, ənənə ilə müasirliyi bacarıqla uyğunlaşdırmaqla bu sahədə yeni səviyyəyə yüksəlməyə hazır olan gənc və dinamik şirkət kimi təsis edildi. Corco Dalmaunun gəlinləri qeyri-adi nağıl personajlarını xatırladır.
Dizayner həmişə həm rəng qamması, faktura, bəzək seçimində, həm də geyimlərin forma və uzunluğunun seçimində orijinal qərarlar verir. Dizaynerin ustalığı və yaratdığı məhsulların hər biri incə, dəqiq işləmə ilə unikal və təkrarsız, tanınan və orijinal tərz doğurur. Corci Dalmau deyir: “Məndən daim nə isə qeyri-adi bir şeylər gözləyirlər, ona görə də mən hər şeyi əksinə edirəm. Əgər trenddə düz siluetlər və açıq kürəkdirsə, məndə həcmli ətəklər və korsetlər olacaq. Mənim kolleksiyam – hər şeydən əvvəl, mənim və mənim gəlini öz toy günündə necə görməyimin ifadəsidir. Mən isə onu şahzadə kimi görürəm. Mənim kolleksiyam – fantaziyalarla, əjdahalarla və məğrur şahzadələrlə dolu bir aləmdir”.
Layihənin böyük perspektivləri var, hər dəfə ona yeni, daha çox tərəfdaş qatılır. Növbəti layihə 2016-cı il martın əvvəlində baş tutacaq. Gələcək planlar barədə “Baku Fashion Nights” komandası mətbuatda ən yaxın vaxtlarda məlumat verəcək.
-
- Sual-cavab
- 19 Oktyabr 2015 18:59
-
- Siyasət
- 20 Oktyabr 2015 01:32
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz