Müdafiə Nazirliyi: Azərbaycanda Türkiyə hərbi bazasının yaradılması barədə məlumat doğru deyil

Azərbaycan müdafiə nazirinin müavini, HHQ komandanı general Ramiz Tahirov ölkə ərazisində Türkiyə Silahlı Qüvvələrinin bazasının yaradılması barədə məlumatı təkzib edib.

“Azərbaycan ərazisində hər hansı ölkənin hərbi bazasının yaradılması barədə mətbuatda yayılan məlumatların heç bir əsası yoxdur və həqiqətəyuyğun deyil”, - “AzərTAC” agentliyi generaldan sitat gətirib.

“Hacı Zeynalabdin Tağıyev qəsəbəsindəki aerodromdan hələ 1999-cu ildən beynəlxalq sülhməramlı missiyada iştirak edən hərbi qulluqçuların Kosovo, İraq və Əfqanıstana yola salınması üçün istifadə edilir. Burada yerləşən bir terminalda təyyarələrə texniki xidmət göstərən personal və pilotlar üçün istirahət otaqları nəzərdə tutulub.

“Qızıl Şərq” hərbi şəhərciyi ərazisində yerləşən bina isə Türkiyənin ölkəmizdəki hərbi attaşelik aparatına icarə qismində müvəqqəti istifadəyə verilib”, - R.Tahirov bildirib.-02D-