Bu gün Ağır Cinayətlərə dair İşlər üzrə Məhkəmədə hüquq müdafiəçisi Bəxtiyar Məmmədovun işi üzrə proses davam edib. Vəkil Anar Qasımlı məhkəmədən bəraət hökmü çıxarmağı istəyib. Təqsirləndirilən şəxsin yekun sözü fevralın 19-na təyin edilib.
Məmmədov Azərbaycan CM-in 182.3 (güc tətbiq etməklə pul tələb etmə) və 178.1 (fırıldaqçılıq) maddələri ilə ittiham olunur. Bir müddət əvvəl prokuror Məmmədovun 12 il müddətinə azadlıqdan məhrum edilməsini istəyib.
Lakin yerli və beynəlxalq hüquq müdafiə təşkilatları Məmmədovun Eurovision müsabiqəsi ərəfəsində Bakıda Bayraq Meydanı ətrafında evləri sökülən vətəndaşların mülkiyyət hüquqlarını müdafiə etdiyinə görə təqib edildiyinə inanır. -06B-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz