Azərbaycan hakimiyyəti Bakıda iki böyük beynəlxalq tədbirin – “Eurovision-2012” və İnternet İdarəetmə Forumunun keçirilməsi fonunda ölkə daxilində dissidentlərə qarşı amansız hücuma keçib. Ən az doqquz tənqidçi jurnalist müxtəlif repressiv ittihamlar, o cümlədən xuliqanlıq, narkotik saxlamaq və zorla pul tələb etmək ittihamları ilə həbsə atılıb. Bu barədə Beynəlxalq Jurnalistləri Müdafiə Komitəsinin bu gün dərc edilmiş 2012-ci ildən mətbuata hücumlar haqqında hesabatında deyilir.
Dekabrın sonlarından onlardan ikisi əfv edilib azadlığa çıxsa da, JMK hesab edir ki, 9 nəfərin hamısına qarşı ittihamlar saxtadır. Beynəlxalq hüquq müdafiə qrupları Eurovision müsabiqəsinin təşkilatçısı olan Avropa Yayım Birliyini İlham Əliyev hökumətinin etirazçıları həbsə atdığı və onları hədələdiyi halda passiv mövqeyinə görə tənqid ediblər.
Bu sui-istifadələrdən narahatlığını ifadə edən yayım birliyi müsabiqənin “siyasi tədbir olmadığını” bəyan edib.
Bir sıra müstəqil jurnalistlər, o cümlədən mükafatlara layiq görülmüş reportyor İdrak Abbasov redaksiya vəzifələrini yerinə yetirərkən amansız hücumlara məruz qalıblar. Lakin polis və təhlükəsizlik orqanları əməkdaşlarının da daxil olduğu hesab olunan hücumçular cəzasız qalıb. Jurnalist araşdırmaları üzrə mütəxəssis Xədicə İsmayılova ölkə prezidenti ailəsinin geniş iş maraqları haqqında materiallar dərc etdikdən sonra hədələmə kampaniyasının obyektinə çevrilib. Dövlət KİV-ləri onun nüfuzuna ləkə yaxmağa başlayıb, naməlum şəxslər isə onun intim foto və videogörüntülərini yayıblar. İsmayılovanın araşdırma materiallarına cavab olaraq, parlament prezidentə məhkəmə təqibinə qarşı geniş toxunulmazlıq hüququ verən, korporasiyalara isə geniş maliyyə məlumatlarını yaymağı qadağan edən qanunverici aktlar qəbul edib. Prezident Əliyev bu qanun layihələrini iyulda imzalayıb və onlar qüvvəyə minib.
1 dekabr 2012-ci ilə olan məlumata görə, Azərbaycan həbsxanalarında 9 jurnalist və bloger saxlanırdı.
JMK Azərbaycan hakimiyyətinin jurnalistlərə narkotik saxlamaq, xuliqanlıq və zorla pul tələb etmək kimi əsassız ittihamlar irəli sürdüyü bir sıra hallar qeydə alıb. 1 dekabr 2012-ci il tarixinə qədər azadlıqdan məhrum edilmiş 9 jurnalistin hamısına qarşı belə ittihamlar irəli sürülüb. -02D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz