Müsavat fəalı polisdə facebook-dakı fəaliyyəti haqqında dindirilib (yenilənib)

Müsavat Partiyasının fəalı Raymonda Əliyeva axşam saatlarında Xətai rayon polisindən buraxılıb.

Partiyanın aparat rəhbəri Gülağa Aslanlının Turan-a verdiyi məlumata görə, polisdə Əliyevanı facebook-dakı statusları və sosial şəbəkədə paylaşdığı nəşrlərlə bağlı dindiriblər. Xüsusən, iradlar qaz və elektrik enerjisi qiymətlərinin artırılması mövzusundakı nəşrlərlə bağlı olub. Əliyeva öz növbəsində deyib ki, o, qanun pozmayıb və onun nəşrləri ifadə azadlığına uyğundur.

Aslanlının sözlərinə görə, bu gün daha bir neçə səfər bənzər səbəblərlə polisə çağırılıb. Aslanlı bunu hüquq-mühafizə orqanlarının vətəndaşların sosial şəbəkələrdəki fəaliyyətinə nəzarət kimi qiymətləndirib ki, bu da ifadə azadlığına təhlükədir.

Müsavat Partiyası bəyanatla çıxış edərək, polisin partiya fəalı Raymonda Əliyevanı saxlamasını pisləyib.

Yayılmış bəyanatda bu akt insan hüquqlarının pozulması və hakimiyyətin müxalifətə təzyiq kampaniyası kimi qiymətləndirilir.

Müsavat Əliyevanın dərhal azad edilməsini tələb edib.

Müsavatın press-relizində qeyd edilir ki, Raymonda Əliyeva dekabrın 2-də 35-ci polis bölməsinə çağırılıb, daha sonra Xətai rayon polis idarəsinə aparılıb. Bir neçə saat saxlanıldıqdan sonra polis onu evinə aparıb, burada onun şəxsi noutbuku götürülüb. Sonradan Əliyevanı polis idarəsinə qaytarıblar. -0-

2016 Dekabr 02 (Cümə) 14:25:20

Müsavat Partiyası bəyanatla çıxış edərək partiyanın fəal üzvü Raymonda Əliyevanın polis tərəfindən saxlanmasını pisləyib.

Partiyanın bəyanatında  bu akt insan hüquqlarının pozulması və hakimiyyətin müxalifətə təzyiq kampaniyasının davamı kimi qiymətləndirilib.

Müsavat Partiyası R.Əliyevanın azadlığa buraxılmasını tələb edib.

Partiyanın məlumatında deyilir ki, dekabrın 2-də R.Əliyeva Xətai Rayon Polis İdarəsinin 35-ci polis bölməsinə, orada isə Xətai Rayon Polis İdarəsinə aparılıb. Polis İdarəsində bir neçə saat saxlanıldıqdan sonra onu polislə birlikdə evinə aparıblar və ona məxsus noutbooku götürüblər.  Sonra R.Əliyevanı yenidən Polis İdarəsinə aparıblar.—0—