![Müsavat liderləri Baş Prokurorluğa çağırılıb](https://turan.az/resized/750/500/resize/media/2017/main/022400184139.jpg)
Müsavat liderləri Baş Prokurorluğa çağırılıb
Müsavat Partiyasının başqanı Arif Hacılı və Milli Strateji Düşüncə Mərkəzinin sədri İsa Qəmbər Baş Prokurorluğun Ağır Cinayətlərə dair işlər üzrə istintaq idarəsinə çağırılıb. Bu barədə Turan-a Müsavat başqanı Arif Hacılı bildirib.
Onun sözlərinə görə, fevralın 27-də saat 10:30-da şahid qismində ifadə vermək üçün Ağır Cinayətlərə dair İşlər üzrə istintaq idarəsinə dəvət edilib.
Arif Hacılı qeyd edib ki, istintaq idarəsinə çağırılma mühacirətdə olan vətəndaşlar haqqında qaldırılmış hansısa cinayət işi ilə əlaqədardır.
Müsavat başqanı istintaq idarəsinə çağırılmasını şərh edərkən bunları deyib:
“Azərbaycan hakimiyyətinin Müsavat Partiyasına qarşı hücumları son dövrlərdə bir qədər artıb. Partiyanın nüfuzunun artması, bütün məsələlərlə bağlı prinsipial və birmənalı mövqelər sərgiləməsi, o cümlədən Avropada Müsavatçıların keçirdiyi aksiyalar hakimiyyəti narahat edir. Ona görə bu tipli tədbirlərlə Müsavat Partiyasını öz prinsiplərindən çəkindirməyə çalışır. Bunlar baş tutacaq məsələlər deyil. Müsavat-ın Avropada keçirdiyi mitinqlərindən sonra mitinqdə çıxış edən və təşkilatçı olan bir çox şəxslərə, Müsavat partiyası üzvlərinin ailə üzvlərinə təzyiqlər edilmişdi. Hesab edirəm ki, bu çağırış da həmin təzyiq prosesinin davamıdır”, deyə o bildirib.
Öz növbəsində, Milli Strateji Düşüncə Mərkəzinin sədri İsa Qəmbər də Baş Prokurorluğun Ağır Cinayətlərə dair işlər üzrə istintaq idarəsinə çağırıldığını təsdiqləyib.
“Hesab edirik ki, bu, prokurorluğun və hakimiyyətin mənə doğum günü hədiyyəsidir. Çox yəqin ki, dövlət başçısının son təyinatına bizim prinsipial, birmənalı mövqeyimiz hakimiyyət dairələrini narahat edib. Və ümumən Müsavat partiyasının mevqeyi, təşkilatlanma prosesinin sürətlənməsi və mitinqlərdə, konfranslarda səslənən fikirlər, görünür, hakimiyyəti narahat edib. Ona görə də hakimiyyət baxımından bir təzyiq cəhdi kimi qiymətləndirilir",deyə İ.Qəmbər bildirib.
İsa Qəmbər istintaq idarəsinə şahid qismində çağırıldığını da qeyd edib. -03/16A
-
- Cəmiyyət
- 24 Fevral 2017 16:19
-
- İqtisadiyyat
- 24 Fevral 2017 17:31
Siyasət
-
İyulun 28-də saat 17.40 radələrində Ermənistan silahlı qüvvələrinə məxsus kvadrokopter Laçın rayonu istiqamətində Azərbaycan ordusunun mövqeləri üzərində kəşfiyyat uçuşları həyata keçirməyə cəhd göstərib.
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
Rəy yaz