Müsavat Partiyası Baş Prokurorluğu məhkəməyə verib
Müsavat Partiyası Konstitusiyaya düzəlişlər edilməsinin əleyhinə fəal şəkildə təşviqat aparmaq niyyətindədir. Bu barədə Amerikanın Səsi-nə müsahibəsində partiya lideri Arif Hacılı bildirib. Partiya artıq Konstitusiyaya düzəlişlərin əleyhinə təşviqat qrupunun qeydə alınması üçün "Respublika" təşəbbüs qrupunu yaradıb.
Təşviqat qrupu Müsavat partiyasının televiziya efirinə çıxış əldə etməsinə, kütləvi aksiyalar keçirib vətəndaşlara Konstitusiyaya təklif olunan dəyişikliklərin yolverilməz olduğunu, Respublika dəyərlərinə zidd olduğunu izah etməsinə imkan yaradacaq.
Müsavat həmçinin bu məsələdə digər siyasi təşkilatlarla qarşılıqlı fəaliyyət göstərmək niyyətindədir. Belə ki, D18 Gənclər hərəkatı artıq "Respublika" qrupuna qoşulub.
Həmçinin, NİDA və ReAl hərəkatları ilə müzakirələr aparılıb. Onlar da bu və ya digər formada bu prosesdə iştirak etmək niyyətindədirlər.
Bununla belə, Hacılı düzəlişlərə qarşı çıxan bütün qüvvələrin ümumi vahid mərkəzini yaratmağın mümkün olmaması ilə bağlı təəssüfünü bildirib. Buna baxmayaraq, Müsavat imkan daxilində demokratik qüvvələrin fəaliyyətinin əlaqələndirilməsinə nail olmaq niyyətindədir.
İctimaiyyətin düzəlişlərə reaksiyasına gəlincə, Hacılı hakimiyyətin prosesə qəsdən məzuniyyətlər vaxtı start verməsinə diqqət çəkib. Bu zaman hakimiyyət dəyişikliklər zərurəti haqqında açıqlama vermir, mətbuatda və televiziyada da bu mövzu müzakirə olunmur.
Hacılı həmçinin Əliyevlər ailəsinin Panama offşorları haqında "Panama sənədləri" ilə bağlı məlumatların araşdırılması barədə partiyanın müraciətinə cavab verilmədiyi üçün Müsavat-ın Baş Prokurorluğa qarşı iddia qaldırdığını bildirib. -06D-
-
- İqtisadiyyat
- 3 Avqust 2016 16:42
-
- Cəmiyyət
- 3 Avqust 2016 17:41
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz