Müsavat Partiyası B.Nemtsovun qətlini pisləyir

Müsavat Partiyası Ruisya müxalifətinin liderlərindən Boris Nemtsovun qətlini pisləyən bəyanat yayıb.  

Sənəddə B.Nemtsov Rusiyanın müxalif siyasi düşərgəsində və demokratikləşmə hərəkatı daxilində önəmli simalardan biri olduğu qeyd edilir. B.Nemtsov Rusiya demokratlarının postsovet məkanındakı aparıcı demokratik qüvvələrlə, o cümlədən Müsavat Partiyası ilə əlaqələrə xüsusi önəm verən liderlədən biri olduğu xüsusi vurğulanır. “Rusiyada prezident Putinin əsas rəqiblərindən olan Nemtsovun qətlə yetirilməsi yalnız Rusiya üçün yox, bütün dünyada demokratik dəyərlər uğrunda mübarizə aparanlara zərbədir”, deyə müəlliflər B.Nemtsov itkisinə dəyər verirlər.

Müəlliflər bu ağır vaxtda Rusiya demokratik qüvvələrinə dəstək ifadə edir, onları bəyan etdikləri hədəflər uğrunda daha qətiyyətli mübarizəyə səsləyrilər.

Son olaraq, müəliflər mərhumun silahdaşlarına və yaxınlarına başsağlığı verir, qətlin sifarişçi və icraçılarının dərhal tapılaraq cəzalandırılmasını tələb edir. -05D-