RF XİN rəhbəri Sergey Lavrovun Qarabağ məsələsinin Azərbaycanın daxili işi olmaması barədə açıqlaması Rusiyanın uzun illər Qarabağ məsələsi ilə bağlı apardığı siyasətin açıq şəkildə ifadə olunmasıdır.
“Bu açıqlama Rusiya tərəfinin Azərbaycanın ərazi bütövlüyünü şübhə altına almasının, Minsk Qrupu həmsədrlərindən biri kimi işğalçı Ermənistanın maraqlarının müdafiəçisi olduğunun, beynəlxalq hüquqa zidd fəaliyyətinin göstəricisidir”, - Müsavat Partiyasının bəyanatında deyilir.
“Qarabağ məsələsini ölkə Konstitusiyasına uyğun həll etmək Azərbaycanın suveren hüququdur”, - bəyanatda deyilir.
“Müsavat Partiyası Azərbaycan hakimiyyətindən işğal olunmuş Azərbaycan ərazilərin azad olunması istiqamətində diplomatik danışıqlarda qəti mövqe sərgiləməyi, öz hakimiyyətlərini qorumaq məqsədi ilə apardıqları yanlış xarici siyasətdən imtina etməyi, konkret olaraq bu məsələdə Azərbaycanın maraqlarına uyğun olan adekvat addımlar atmağı tələb edir”, - bəyanatda bildirilir.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz