Müsavat Partiyası Mustafa Hacılının saxlanmasını insan oğurluğu kimi dəyərləndirir

Müsavat Partiyası partiya başqanının müşaviri Mustafa Hacılının polis tərəfindən saxlanmasını pisləyən bəyanat yayıb.

M.Hacilı Xalq Cümhuriyyətinin 95 illik yubileyilə bağlı aparıcı müxalif qüvvələrin mayın 28-də Novxanı kəndində keçirdiyi tədbirdən sonra saxlanılıb. Müəlliflər M.Hacılının adı çəkilən tədbir başa çatdıqdan sonra zor tətbiq olunmaqla saxlandığını və naməlum istiqamətə aparıldığını bildirirlər. Baş vermiş insidentlə bağlı Ombudsman aparatına, Daxili İşlər Nazirliyinə və hüquq müdafiəçilərinə informasiya çatdırılıb. Amma M.Hacıbəylinin saxlandığı yeri dəqiqləşdirmək mümkün olmayıb. M.Hacılının Abşeron Rayon Polis İdarəsində saxlanması haqda məlumat olsa da polis idarəsi bu məlumatı təkzib edib.

Müəlliflər baş verən hadisəni qanunsuz sayır, bu hərəkəti törədənlərin əməllərini adam oğurluğu kimi dəyərləndirir. Son olaraq müəlliflər ölkə rəhbərliyindən bu qanunsuz əməllərə son qoyulmasını, M.Hacılının dərhal həbsdən azad olunmasını, günahkar şəxslərin cəzalandırılmasını tələb edirlər.-05D-