![Müsavat Partiyası Qafqazinfo-dan təkzib tələb edir](https://turan.az/resized/news/2024/KUnqGMNXP7LFMHPfuelzXCNJO4X7dPbey6s4oEef-750-500-resize.webp)
Müsavat Partiyası Qafqazinfo-dan təkzib tələb edir
Müsavat Partiyası Qafqazinfo-dan təkzib tələb edir
Avqustun 20-də Müsavat Partiyası "Qafqazinfo.az" xəbər portalının redaksiyasına materialın təkzibini vermək tələbi ilə rəsmi məktub göndərib. Bu barədə Müsavat Partiyasının mətbuat xidmətinin məlumatında deyilir.
Avqustun 12-də Müsavat Partiyasının başqanı İsa Qəmbər və Partiyanın Məclis sədri Arif Hacılı Avropa İttifaqının (Aİ) Azərbaycandakı Nümayəndəliyinin rəhbəri, səfir Peter Mixalko və Avropa ölkələrinin diplomatları ilə görüşüblər.
"Aİ nümayəndə heyətinin təşəbbüsü ilə keçirilən görüşdə ölkədə ictimai-siyasi vəziyyət, sentyabrın 1-nə təyin edilmiş növbədənkənar parlament seçkiləri, siyasi məhbuslar problemi, Aİ-Azərbaycan münasibətləri müzakirə olunub. Görüşdə Aİ-nin Bakı ofisinin rəhbəri Peter Mixalko və Avropa İttifaqı ölkələrinin Azərbaycanda fəaliyyət göstərən digər diplomatları iştirak ediblər.
Lakin Qafqazinfo.az saytı və bəzi digər hökumətyönlü KİV-lər avqustun 13-də bu görüş haqqında yalan və böhtan xarakterli məlumat dərc ediblər. Məlumatda görüş iştirakçıları, onun məqsədi və müzakirə olunan mövzular haqqında yazılanlar tamamilə uydurma və böhtandır. Avropa İttifaqının Azərbaycandakı Nümayəndəliyi də öz bəyanatında hökumətyönlü KİV-lərin bu böhtanını təkzib edib", deyə məlumatda qeyd edilir.
Müsavat Partiyası Qafqazinfo.az saytından qeyd edilən yalan və böhtanın təkzibini dərc etməyi və Müsavat Partiyasından üzr istəməyi tələb edir. Əks halda məhkəmə iddiası qaldırılacaq.
Xatırladaq ki, Qafqazinfo.az-ın versiyasına görə, göörüşdə səfir Peter Mixalko müxalifətin fəaliyyətsizliyi məsələsinə yoxunub və Avropa İttifaqının xarici işlər və təhlükəsizlik siyasəti üzrə Ali Nümayəndəsi Jozef Borrelin vəziyyətdən ciddi narahatlığını onların diqqətinə çatdırıb.
Qafqazinfo.az-ın iddiasına görə, Azərbaycandakı vəziyyətə toxunan Mixalko deyib ki, uzun illərdir ABŞ və Aİ müxalif qüvvələrin fəallığının təmin edilməsi, hakimiyyətə təsir və təzyiq imkanlarının gücləndirilməsi üçün müxalifətə böyük vəsaitlər ayırıb (https://qafqazinfo.az/news/detail/ai-nin-ofisinde-muxaliftle-gorus-ne-danisiblar-444326).
Aİ Missiyası bu nəşri qətiyyətlə təkzib edib, yalan və təxribat adlandırıb.
-
- İqtisadiyyat
- 20 Avqust 2024 17:32
-
- Siyasət
- 20 Avqust 2024 17:50
Siyasət
-
Azərbaycan XİN-in mətbuat xidmətinin məlumatına görə, Azərbaycan BRICS təşkilatına daxil olmaq üçün ərizə verib. BRICS (Brazil, Russia, India, Chına, South Africa-nın qısaltması) doqquz dövlətin - Braziliya, Rusiya, Hindistan, ÇXR, Cənubi Afrika, BƏƏ, İran, Misir və Efiopiyanın dövlətlərarası birliyidir.
-
Azərbaycan hökuməti Bakıda keçiriləcək COP29 konfransı ərəfəsində jurnalistlərə qarşı repressiyaları gücləndirdiyi bir vaxtda Avropa Jurnalistlər Federasiyası (EFJ) beynəlxalq ictimaiyyəti Azərbaycanda haqsız yerə həbsdə olan 23 jurnalist və media işçisini azad etmək üçün hakimiyyətə təzyiqləri artırmağa çağırır.
-
Rusiya prezidenti Vladimir Putin Telegram-ın təsisçisi, rusiyalı sahibkar Pavel Durovla görüşmək haqqında təklifi rədd edib, bu barədə Baza Telegram kanalı məlumat yayıb.
-
Avqustun 20-də Azərbaycan Xalq Cəbhəsi Partiyasının (AXCP) sədri Əli Kərimli həbsxanada 6 gündür "qanunsuz həbsinə" etiraz olaraq aclıq edən Famil Xəlilovun ailəsinə baş çəkib.
Rəy yaz