![Müsavat Partiyasının "Qafqazinfo" xəbər portalına qarşı iddiası üzrə məhkəmə başlayır](https://turan.az/resized/news/2024/Wqbn7u3mS2qU7O6vVel7WkLasp2bybnflh7raz5O-750-500-resize.webp)
Müsavat Partiyasının "Qafqazinfo" xəbər portalına qarşı iddiası üzrə məhkəmə başlayır
Müsavat Partiyasının "Qafqazinfo" xəbər portalına qarşı iddiası üzrə məhkəmə başlayır
Sentyabrın 13-də Bakının Nərimanov Rayon Məhkəməsində hakim Xalidə Əlisoyun sədrliyi ilə Müsavat Partiyasının "Qafqazinfo" xəbər portalına qarşı iddiası üzrə məhkəmə prosesi başlayacaq.
Avqustun 12-də Müsavat Partiyasının başqanı İsa Qəmbər və bu partiyanın məclisinin sədri Arif Hacılı Avropa İttifaqının (Aİ) Azərbaycandakı nümayəndəliyinin rəhbəri Peter Mixalko və Avropa ölkələrinin diplomatları ilə görüşüblər.
Müsavatın məlumatında deyilir ki, Aİ nümayəndəliyinin təşəbbüsü ilə baş tutan görüşdə ölkədəki ictimai-siyasi vəziyyət, sentyabrın 1-nə təyin olunmuş növbədənkənar parlament seçkiləri, siyasi məhbuslar, Aİ ilə Azərbaycan arasında münasibətlər müzakirə olunub. Müsavat Partiyasının mətbuat xidməti görüş başa çatdıqdan dərhal sonra bu barədə məlumat yayıb.
Lakin bir sıra media orqanlarında, həmçinin "Qafqazinfo" xəbər portalında görüş, onun iştirakçıları, məqsədi və müzakirə olunan məsələlər haqqında təhrif olunmuş məlumat yayılıb.
Müsavat Partiyası "Qafqazinfo" xəbər portalından məlumatla bağlı təkzib verilməsini tələb edib. Redaksiya təkzib vermədiyindən Müsavat Partiyası məhkəməyə müraciət edib.
Xatırladaq ki, Qafqazinfo.az-ın versiyasına görə, görüşdə səfir Peter Mixalko müxalifətin fəaliyyətsizliyi məsələsini qaldırıb və guya, Avropa İttifaqının Xarici İşlər və Təhlükəsizlik Siyasəti Məsələləri üzrə ali nümayəndəsi Cozef Borrell yaranmış durumdan ciddi narazılığını müxalifət təmsilçilərinin diqqətinə çatdırıb.
Qafqazinfo.az-ın iddiasına görə, daha sonra Mixalko deyib ki, uzun illərdir ABŞ və Aİ müxalif qüvvələrin fəallığının təmin edilməsi, hakimiyyətə təsir və təzyiq imkanlarının gücləndirilməsi üçün müxalifətə böyük vəsaitlər ayırıb (https://qafqazinfo.az/news/detail/ai-nin-ofisinde-muxaliftle-gorus-ne-danisiblar-444326).
Aİ-nin Missiyası da bu nəşri yalan və təxribat adlandıraraq, qəti şəkildə təkzib edib.
-
- Maliyyə
- 11 Sentyabr 2024 12:38
-
- İqtisadiyyat
- 11 Sentyabr 2024 13:26
Siyasət
-
"Bu gün səfir Mark Libby başda olmaqla, ABŞ səfirliyinin əməkdaşları Nyu-Yorkda 11 sentyabr hücumlarında həlak olmuş 2977 günahsız insanın xatirəsini yad etmək üçün toplaşıblar.
-
Sentyabrın 11-də Bakı Ağır Cinayətlər Məhkəməsində Kanal-11-in rəhbəri Teymur Kərimovun işi üzrə prosesdə zərərçəkmiş Leyla Almaszadənin ifadəsi dinlənilib.
-
"Biz, aşağıda imzaları olan vətəndaş cəmiyyəti təşkilatları, hərəkatlar, qruplar və ayrı-ayrı şəxslər, BMT-nin 11-22 noyabr 2024-cü il tarixlərində Bakıda keçiriləcək İqlim Konfransı (COP29) ərəfəsində Azərbaycanda insan hüquqları ilə bağlı ciddi problemlərin həll edilməsi zərurətini vurğulayırıq", bu barədə 30 beynəlxalq hüquq müdafiə təşkilatının birgə bəyanatında deyilir.
-
Sentyabrın 11-də saat 10:50 radələrində Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqeləri Ermənistan silahlı qüvvələrinin bölmələri tərəfindən üzbəüz mövqelərdən atıcı silahlar vasitəsilə atəşə tutulub.
Rəy yaz