Bakı/12.11.19/Turan: Noyabrın 12-i səhərdən Müsavat Partiyasının bir neçə fəalı saxlanılaraq polis bölmələrinə aparılıb. Bu barədə Turan-a təşkilatın aparat rəhbəri Gülağa Aslanlı bildirib.
Əsasən Siyəzən təşkilatının sədri Mərdan Mehdilini, Nərimanov rayon təşkilatının fəalı Valeh Hümmətoğlunu, Xətai təşkilatının sədri Qəzənfər Baxışovu evlərindən aparıblar.
Bir sutkadır ki, partiya sədrinin müavini Razim Əmiraslanlının barəsində məlumat yoxdur. O, noyabrın 11-də səhər Binəqədi Rayon Polis İdarəsinə çağırılıb.
Müsavat Partiyasının mətbuat katibi Mustafa Hacıbəylinin telefonuna zəng çatmır. O, səhər evdən çıxıb. G.Aslanlı ehtimal edir ki, yolda onu da saxlayıblar.
Sumqayıtda polis fəal Bərşad Cümşüdlünün mənzilinə gəlib. Gəncədə müsavatçılar Cahangir Əmirxanlı, Vidadi Həsənli və Oqtay Zeynalova saat 10:00-da polisə getmək tapşırılıb.
G.Aslanlı hesab edir ki, kütləvi saxlanmalarda məqsəd Müsavat Partiyasının bu gün saat 15:00-da Bakı Şəhər İcra Hakimiyyətinin qarşısında keçirəcəyi piketi pozmaqdır.
Öz növbəsində Müsavat Partiyasının lideri Arif Hacılı bildirib ki, noyabrın 12-də səhər polis və mülki geyimli şəxslər partiyanın mənzil-qərargahını əhatəyə alıblar. “Mənzil-qərargaha gələnlər dərhal saxlanılır”, - A.Hacılı deyib.—21B06--
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz