![Müsavat üzvü Nigar Yaqublu həbsdə qaldı](https://turan.az/resized/media/2012/main/091700011456-750-500-resize.webp)
Müsavat üzvü Nigar Yaqublu həbsdə qaldı
Bu gün Sumqayıt Apellyasiya Məhkəməsində hakim Rasim İsgəndərovun sədrliyi ilə Müsavat Partiyasının sədrinin müavini Tofiq Yaqublunun qızı Nigar Yaqublunun apellyasiya şikayəti təmin olunmayıb.
Vəkil Osman Kazımovun Turan-a verdiyi məlumata görə, hakim heç bir əsaslı arqument gətirmədən, Nigar Yaqublunu həbsdə saxlayıb.
Onun sözlərinə görə, zərərçəkmişin heç bir şikayəti olmadığı halda, bu, mentalitetə sığmayan qərar idi.
“Nigar Yaqublunun həbsi qanunsuz və əsassızdır. Çünki Nigar Yaqublunun özü könüllü olaraq, istintaqda ifadə verib”, deyə vəkil Osman Kazımov bildirib.
Osman Kazımov bu yaxınlarda müdafiə etdiyi şəxs Nigar Yaqublunun həbs qətimkan tədbirinin ev dustaqlığı ilə əvəz olunması ilə bağlı məhkəməyə ərizə ilə müraciət edəcək.
Proses qapalı keçirilib və özü məhkəməyə gətirilməyib.
Qeyd edək ki, Nigar Yaqublu barəsində Cinayət Məcəlləsinin 263.2-ci (ehtiyatsızlıqdan zərərçəkmiş şəxsin ölümünə səbəb olan yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanıb.
İlkin təhqiqat zamanı N.Yaqublu bildirib ki, maşını A.Acalov idarə edib. Lakin istintaq hesab edir ki, sükan arxasında sürücülük vəsiqəsi olmayan N.Yaqublu olub. DİN-in məlumatına görə, qəza onun günahı üzündən baş verib. Sentyabrın 6 və 7-də Yaqublu ifadə vermək üçün çağırılıb, lakin istintaqdan yayınıb.
Sentyabrın 10-da N.Yaqublu cinayət-prosessual qanunvericiliyin tələblərinə uyğun olaraq şübhəli şəxs kimi saxlanılıb. Həmin gün məhkəmə onu 2 ay müddətinə həbs edib.
Lakin KAMAZ sürücüsünün taleyi haqda açıqlama verilmir.
Həmin maddə ilə ittiham olunanlar üç ilədək müddətə nəqliyyat vasitələrini idarə etmək hüququndan məhrum edilməklə, iki ildən altı ilədək müddətə azadlıqdan məhrumetmə ilə cəzalandırılır. -16D-
-
- Siyasət
- 17 Sentyabr 2012 14:13
-
- İqtisadiyyat
- 17 Sentyabr 2012 14:41
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz