Müsavat Partiyası Gənclər Təkilatının bazar günü keçirilən konfransında təşkilata yeni sədr və rəhbər heyət seçilib. Bu haqda Turan-a təşkilatın artıq keçmiş sədri Tural Abbaslı bildirib.
O qeyd edib ki, konfrans günorta saatlarında başlayıb və axşam saat 22-yə qədər davam edib.
Gizli səsvermə yolu ilə Cavid Hacıbəyli Rauf Məmmədovla rəqabətdə 49 səsə qarşı 58 səslə təşkilatın yeni sədri seçilib. C.Hacıbəyli vicdan məhbusu Rüfət Hacıbəylinin qardaşıdır.
“Mənim təşkilat rəhbərliyimdən getməyim yaş senzilə əlaqədar Əsasnamənin tələblərilə bağlıdır”, - deyə T.Abbaslı qurumdan getməsinin səbəblərinə aydınlıq gətirib.
T.Abbaslı demokratiya urğrunda mübarizədə gənclər düşərgəsinin ünlü isimlərindən biridir. 2003-cü ildən Müsavat Partiyasının üzvüdür. 2011-ci il aksiyalarında fəal iştirakı ilə bağlı il yarımdan çox həbsdə olub. Bundan əlavə, ayrı-ayrı aksiyalarda fəallığına görə müxtəlif müddətli inzibati həbslərə məruz qalıb. -05B-
Siyasət
-
Sentyabrın 30-da Bakıda İqlim Fəaliyyəti Həftəsi açılıb. Oktyabrın 4-dək davam edəcək tədbirdə siyasi, maliyyə, elmi və mədəni dairələrin nümayəndələri, həmçinin vətəndaş cəmiyyəti və KİV təmsilçiləri iştirak edirlər.
-
ABŞ və Avropa İttifaqının insan hüquqları üzrə yüksək vəzifəli şəxsləri Gürcüstandakı vəziyyəti müzakirə etmək üçün ötən həftə Nyu-Yorkda görüşüblər, Turan-ın Vaşinqton müxbiri bildirib.
-
Sentyabrın 30-dan oktyabrın 4-dək davam edəcək payız sessiyasında Azərbaycanda demokratiya, qanunun aliliyi və insan hüquqlarının vəziyyətinin pisləşməsi mövzusunda müzakirələrin keçirilməsi gözlənilir.
-
Azərbaycanın Xarici İşlər Naziri Ceyhun Bayramov şənbə günü BMT Baş Assambleyasının illik sessiyasında çıxış edərək Ermənistanla “qismən sülh”ün mümkün olmadığını bəyan edib. Bu açıqlama İrəvanın həftənin əvvəlində daha nikbin mövqe sərgiləməsindən sonra səsləndirilib. Bayramovun sözləri iki ölkə arasındakı mövqelərin kəskin fərqliliyini ön plana çıxararaq, hərtərəfli sülh müqaviləsinin yekunlaşdırılması üçün qarşıda duran əhəmiyyətli maneələri vurğuladı.
Rəy yaz