Müxalif qüvvələr «Anti-Böhran Koalisiyası» quruldu

Çərşənbə günü bir qrup  müxalif partiya sədrləri və ictimayyət nümayəndlərinin iştirakı ilə Vətəndaş və İnkişaf Partiyasının (VİP) mərkəzi qərargahında toplantı keçirilib.

Toplantıda ölkədə mövcud olan durum ətraflı müzakirə olunub və “Anti-böhran koalisiyası”nın yaranması barədə razılaşma əldə edilib.

Koalisiyaya Böyük Azərbaycan, (BAP), Klassik Xalq Cəbhəsi (KXCP), Azadlıq, “Gələcək Azərbaycan”, Milli Konqres MKP), Azərbaycan Liberal Demokrat (ALDP), Azərbaycan Xalq (AXP), Aydınlar, Ümid, Dünyəvi Bozqurd, Vətəndaş və İnkişaf (VİP) partiyaları, “AĞ Bloku” və s.daxil olublar. Azərbaycan Demokrat Partiyası (ADP) isə yeni yaradılmış koalisiyada müşahidəçi kimi iştirak etməyə üstünlük verib.

Ev sahibi olan VİP sədri Əli Əliyev tədbirə qatılmaları üçün Müsavat və Xalq Cəbhəsi partiyalarına dəvət göndərildiyini deyib. “Amma tədbir qatılanlar əsasən yanvarın 24-də Demokrat partiyası qərargahındakı toplantıya qatlılan qurumlar olub”deyə Ə.Əliyev qeyd edib.  Onun sözlərinə görə bu gün iki qərar qəbul edilib. Bu qərarlardan biri Hərəkatın formatını müəyyən etməklə bağlı olub.  

“Yəni, hərəkatın necə adlanacağı məsələsi idi. Çoxluq “Anti-Bphran Koalisiyası” adına üstünlük verdi”deyə Ə.Əliyev qeyd edib. O, Koalisiyanın daxil olmaq istəyən qüvvələr üçün açıq olduğunu bildirib.

Ə.Əliyevin sözlərinə görə. Koalisiyanın növbəti toplantısının fevralın 21-də keçirilməsinin və təşkilati ideoloji məsələlərinin ümzakirə olunmasını qərar alındığını söyləyib.

Xatırladaq ki, ölkədəki böhranla bağlı bir qrup siyasi partiya, ictimai hərəkat və vətəndaş Demokrat partiyasında toplantı keçirib. Bu toplantıda ölkədəki dureum və ondan çıxış yolları müzakirə edilib. Müzakirələrin yekunu olaraq İşçi Qrup formalaşdırılıb. Bu gün VİP-də keçirilən tədbir həmin toplantının davamıdır.-05D-