Azərbaycan Xalq Cəhbəsi Partiyasının (AXCP) təşkilat şöbəsinin müdiri Rafiq Daşdəmirlinin oğlu Sənan Daşdəmirlinin barəsində həbs qətimkan tədbiri ev dustaqlığı ilə əvəz edilib.
R. Daşdəmirli Turan-a bildirib ki, fevralın 17-də oğlunun barəsində seçilən 3 aylıq həbs qətimkan tədbiri başa çatır. Bu gün Nərimanov Rayon Məhkəməsi həbs qətimkan tədbirini 2 aylıq ev dustaqlığı ilə əvəz edib.
R.Daşdəmirlinin sözlərinə görə, S. Daşdəmirlıi xəstədir və cərrahi əməliyata ehtiyacı var. Onun həm də bu günlərdə uşağı dünyaya gəlib. Məhkəmə bu amilləri nəzərə alaraq onun barəsində həbs qətimkan tədbirini ev dustaqlığı ilə əvəz edib.
S.Daşdəmirli 2014-cü il noyabrın 17-də saxlanılıb və Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə aparılıb. Növbəti gün məhkəmə onu 3 ay müddətinə həbs edib. O, Cinayət Məcəlləsinin 234.4.3-cü maddəsi (qanunsuz olaraq narkotik vasitələri, psixotrop maddələri hazırlama, istehsal etmə, əldə etmə, saxlama, daşıma, göndərmə və ya satma- külli miqdarda) ilə ittiham irəli sürülüb və gənc 12 ilə qədər azadlıqdan məhrum edilə bilər. İstintaqın məlumatına görə, S.Daşdəmirli saxlanılarkən üzərindən 3,2 qram heroin götürülüb. Lakin gəncin sözlərinə görə, narkotik maddəni onun üzərinə polis əməkdaşları özləri atıblar.-03B-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz