![Nardaranda 20-yə yaxın adam saxlanılıb](https://turan.az/resized/750/500/resize/media/2015/main/120100138431.jpg)
Nardaranda 20-yə yaxın adam saxlanılıb
Dekabrın 1-də güc qurumlarının Nardaranda keçirdiyi reyd zamanı 20-yə yaxın adam saxlanılıb. Bu barədə Turan-a qəsəbənin Ağsaqqallar Şurasının sədri Natiq Kərimov bildirib.
Onun sözlərinə görə, polis əməliyyatında məqsəd silahların yığılmasıdır. Əsasən DİN rəhbərinin müavini Vilayət Eyvazov bir qrup yerli sakinlə görüşərək kimdə silah varsa təhvil verməsinin vacibliyini bildirib.
N.Kərimov də kimdə silah varsa təhvil verməyə çağırıb.
“Əgər mən bilsəydim ki, kimdəsə silah var, özüm alıb dövlətə təhvil verərdim”, - N.Kərimov vurğulayıb.
O ümidvar olduğunu bildirib ki, saxlanılanlar azad ediləcək, çünki onların çoxunun doğmalarının sözlərinə görə, qanunazidd heç bir hərəkət törətməyiblər.
Öz növbəsində Daxili Qoşunların komandanı general-leytenant Şahin Məmmədov AzTV-yə müsahibəsində bildirib ki, “Nardaranda ictimai təhlükəsizliyin təminatı üzrə qarşıya qoyulan vəzifələr tam yerinə yetirilənə qədər qəsəbədə xüsusi operativ tədbirlər davam etdiriləcək”.
Onun sözlərinə görə, qəsəbə ərazisində buraxılış reyiminə ciddi əməl olunur.
Ş.Məmmədov xüsusi əməliyyatın başa çatma müddətini dəqiqləşdirməyib.
AzTV həmçinin Nardaranda dini məzmunlu plakatların söküldüyünə dair kadrlar göstərib.
Lakin əvvəlkitək qəsəbədə elektrik enerjisi yoxdur, stasionar telefon rabitəsi işləmir, mağazaların çoxu bağlıdır. Polis qüvvələri əhalinin evdə qalmasını tələb edir.
Faktiki olaraq fövqəladə vəziyyət üçün xarakterik tədbirlər həyata keçirilir. Lakin bu, rəsmən elan edilməyib.06D--
-
- Cəmiyyət
- 1 Dekabr 2015 18:15
-
- İqtisadiyyat
- 2 Dekabr 2015 00:38
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz