![NASA astronavtı: �Ümid edirəm ki, Hollivud kinolarında gördüyünüz ulduz müharibələri baş verməyəcək�](https://turan.az/resized/media/2017/main/121100006200-750-500-resize.webp)
NASA astronavtı: �Ümid edirəm ki, Hollivud kinolarında gördüyünüz ulduz müharibələri baş verməyəcək�
Bakı/11.12.17/Turan: "Kosmosun hərbi məqsədlər üçün istifadə edilməsindən qaçmaq lazımdır. NASA hərbi deyil, mülki təşkilat kimi yaradılıb", - NASA astronavtı, "Space Shuttle" ekipajının üzvü və donanma kapitanı Haydi Payper dekabrın 11-də Bakı Amerika Mərkəzində keçirdiyi brifinqdə Turan-ın sualının cavabında bildirib. Onun sözlərinə görə, astronavtların əksəriyyəti əvvəlcə hərbi sahədə işləyənlərdir.
"Onlar istər hava, istərsə də dəniz qüvvələrindən gələnlər olur. Sadəcə, bu, onların keçmişi olur və təcrübələri imkan verir ki, gələcəkdə astronavt olsunlar. Biz NASA-da işləyəndə əsasən vaxtın böyük hissəsində hərbi geyimdə olmuruq. Düzdür, biz hərbçi olsaq da, hərənin öz hərbi rütbəsi olsa da hərbi geyimə üstünlük vermirik. NASA mülki təşkilatdır. Orada biz hərbi strukturu, hərbi komandanlığı bir kənara qoyub əlimizdən gələn işləri lazımınca həyata keçirməyə çalışırıq", - o qeyd edib.
Haydi Payper Turan-ın "ulduz müharibələri"nin mümkünlüyü barədə sualının cavabında deyib ki, insanın firkirləri müxtəlif olur: "Bəşəriyyətdə həmişə müharibələr yaratmaq üçün tendensiyalar olur. Ümid edirik ki, bu tendensiyalar NASA və digər təşkilatların fəzanın öyrənilməsi istiqamətində aparılan işlərinin əsas qüvvəsinə çevrilməyəcək. Çünki biz hazırda kosmosdan yerdəki vəziyyətin, istər iqlim cəhətdən, istərsə də digər cəhətlərdən yaxşılaşdırlması uğrunda istifadə edirik. Fəza bizim üçün eyni zamanda NASA-nın mövcudluğunu öyrənmək, tədqiqat aparmaq üçün məkandır. İstər NASA olsun, istərsə də digər ölkələrdən olan həmkarlarımız olsun, biz hər zaman çalışırıq ki, bir-birimizdən öyrənək və qarşılıqlı əməkdaşlıq edək. Ümid edirəm ki, Hollivud kinolarında gördüyünüz ulduz müharibələri baş verməyəcək".
ABŞ-ın Azərbaycandakı səfirliyi ABŞ Hərbi Dəniz Qüvvələrinin 1-ci dərəcəli kapitanı və keçmiş NASA astronavtı Haydi Stefanişin-Payperin dekabrın 10-dan 12-dək Azərbaycana səfərinə sponsorluq edib.
Kapitan Payper öz kosmos hekayəsini Azərbaycan ictimayyəti ilə bölüşür və xüsusilə texniki və riyazi sahələrlə məşğul olan gənc qadınlarla karyera və imkanlar barədə danışır.
Kapitan Payper həmçinin yerli gənclərlə Kürdəmir şəhərindəki Amerika Guşəsində görüşüb.
O, Azərbaycan Silahlı Qüvvələrinin Hərbi Akademiyasında təqdimat keçirəcək və Azərbaycan Milli Elmlər Akademiyasında, ADA Universitetində, Bakı Mühəndislik Universitetində və Azərbaycan Dövlət Neft və Sənaye Akademiyasında görüşlərdə olacaq.-03C-
-
- İqtisadiyyat
- 11 Dekabr 2017 13:39
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz