NATO baş katibi Yens Stoltenberq Rusiyanı Ukrayna ərazisindən qoşunlarını çıxarmağa və ölkənin şərqində vəziyyətin sülh yolu ilə tənzimlənməsi üçün səy göstərməyə çağırıb. Stoltenberq bu bəyanatla noyabrın 18-də, Brüsseldə Aİ üzvü olan ölkələrin müdafiə nazirləri ilə görüşdən əvvəl çıxış edib.
Stoltenberqin sözlərinə görə, Rusiya Ukraynada sabitliyi pozmağa davam edir. “Biz qoşunların, hərbi texnikanın, tankların, artilleriyanın, RƏM sistemlərinin hərəkət etdiyini görürük”, deyən NATO baş katibi əlavə edib ki, bu, həm Ukrayna ərazisində, həm də RF ilə sərhəd boyunca baş verir.
O qeyd edib ki, alyansda bu məlumatları təsdiq edən şəkillər, habelə müstəqil jurnalistlər və ATƏT müşahidəçiləri tərəfindən təqdim edilmiş sübutlar var.
Stoltenberq qeyd edib ki, RF-nin bu əməlləri bütün əvvəlki razılaşmaları pozur, xəbəri dpa yayıb. -02D-
Siyasət
-
25-29 noyabr tarixlərində Haaqada Kimyəvi Silahların Qadağan Olunması haqqında Konvensiyanın (KSQK) iştirakçısı olan dövlətlər Konfransının 29-cu sessiyası keçiriləcək. Əsas məsələlərdən biri Kimyəvi Silahların Qadağan Olunması Təşkilatının İcra Şurasının (KSQT) iki yeni üzvünün seçilməsi olacaq. Üç ölkə öz namizədliyini irəli sürüb: Çexiya, Şimali Makedoniya və Rusiya.
-
Bolqarıstan Prezidenti Rumen Radev, noyabrın 11-dən 22-dək Bakıda keçiriləcək BMT-nin İqlim Dəyişikliyi üzrə COP29 konfransında Bolqarıstan nümayəndə heyətinə rəhbərlik edəcək. Radevin yüksək səviyyəli iştirakı ilə bağlı qərar 30 oktyabr tarixində Bolqarıstan dövlət xəbər agentliyi BTA tərəfindən elan olunub.
-
Xalq Cəbhəsi Partiyasının (AXCP) fəalı Əlizamin Salayev hakimiyyətin COP29 iqlim konfransı ərəfəsində siyasi məhbusları azad etməkdən imtina etməsinə etiraz əlaməti olaraq oktyabrın 30-dan etibarən həbsxanada aclıq edir. Bu barədə onun həyat yoldaşı Səidə Salayeva bildirib.
-
Ermənistanın xarici işlər naziri Ararat Mirzoyan oktyabrın 31-də ölkə parlamentində çıxışında bildirib ki, Ermənistanın Bakıda COP29 sammitində iştirakı hələlik təsdiqini tapmayıb.
Rəy yaz