Bakı/25.03.22/Turan: NATO Rusiyanın Ukraynaya hücumu ilə bağlı martın 24-də keçirilən ekstren sammitin yekunlarına dair bəyanat dərc edib.
Alyansda bəyan ediblər ki, Rusiya Ukrayna ilə danışıqlara "ciddi münasibət" nümayiş etdirməli, dərhal barışıq elan etməlidir.
“Danışıqlar zamanı Rusiyanın təcavüzünün davam etməsi qınanmağa layiqdir", - bəyanatda bildirilir.
NATO Ukraynanın hərbi gücünü möhkəmləndirməklə ona öz müdafiə hüququnu həyata keçirməyə kömək edəcəyini vəd edib. Alyans Ukraynaya kibertəhlükəsizlik və kimyəvi, bioloji və nüvə təhlükələrinə qarşı müdafiə sahələrində yardım göstərməyə davam edəcək.
Alyans Bolqarıstan, Rumıniya, Macarıstan və Slovakiya ərazisində dörd beynəlxalq qruplaşmanın yaradıldığını bildirib, əlavə olaraq Alyansın şərq sərhədlərinə 40 min hərbçi yerləşdirilib.
Martın 24-də NATO-nun sammitində Ukrayna prezidenti Vladimir Zelenski çıxış edib. O bildirib ki, Alyansdan Ukraynaya təyyarə və tankların verilməsini xahiş edib, amma hələ də aydın cavab almayıb.-0-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz