NATO Gürcüstanla əməkdaşlığı genişləndirir

NAT baş katibi Anders Foq Rasmussen Gürcüstana əməkdaşlığı genişləndirməyi vəd edib. Lakin ölkənin Alyansa daxil olması perspektivi barədə söz açmayıb. AFP-nin yaydığı məlumata görə, Rasmussen bu barədə iyunun 25-də Brüsseldə konfransda çıxış edərkən bildirib.

“Biz Gürcüstan üçün onun NATO-ya yaxınlaşmasına kömək edəcək ümumi tədbirlər paketi hazırlamaq haqqında prinsipial razılıq əldə etmişik”, deyən Rasmussen əlavə edib ki, planın konkret elementləri yaxın həftələrdə işlənib hazırlanacaq.

NATO-nin təşəbbüsü, çox güman ki, maksimum Gürcüstanla müdafiə sahəsində əməkdaşlığın gücləndirilməsi üzərində cəmlənəcək, diplomatik mənbələr belə iddia edir.

Alyans 2015-ci ilin sonlarına qədər Monteneqronu hərbi bloka daxil olmağa dəvət edib-etməyəcəyi barədə qərar verməyi planlaşdırır, deyə NATO baş katibi bildirib.

Onun sözlərinə görə, Alyans əvvəlki k imi “açıq qapı” siyasətinə sadiqdir. “Üçüncü ölkələrdən heç biri NATO-nun genişlənməsi prosesinə veto qoymaq hüququna malik deyil”, deyə Rasmussen qeyd edib. -02D-