Naxçıvan/10.11.12/Turan Bu gün Naxçıvanın bir qrup jurnalisti və hüquq müdafiəçisi MR Gömrük Komitəsinin əməkdaşları tərəfindən təzyiqlərə məruz qalıblar. QHT və Demokratiyanın İnkişafı Resurs Mərkəzinin rəhbəri Məlahət Nəsibova, jurnalistlər İlqar Nəsibov, Elman Abbasov və Həkimeldostu Mehdiyev şənbə günü Sədərək gömrüyündə əllərindən alınan videokameranı götürmək üçün bazar ertəsi səhər Komitəyə gediblər.
Lakin bir qrup gömrükçü onların üstünə düşərək təhqir edib, binadan çıxarıb. “Onlar bizə bildirdilər ki, videokameranı götürməkdə düzgün iş görüblər”, - M.Nəsibova Turan-a bildirib.
Xatırladaq ki, şənbə günü jurnalistlər Sədərək gömrüyündə hücuma məruz qalıblar. Onlar biznesmen Məhəmməd Qurbanovun şikayətini araşdırmaq üçün ora gediblər. Həmin biznesmen və onun qohumu Nadir Məmmədov saxlanılaraq döyülüblər.
Turan Agentliyi baş verənlərlə bağlı məlumat almaq üçün ilk öncə Sədərək Gömrük İdarəsinin rəsmi saytında yerləşdirilmiş (0-136) 49-10-53; 49-10-57 telefonlarına zəng edib. Maraqlıdır ki, bu telefonlar gömrük idarəsinin deyil, Sədərək sakinlərinə məxsusdur. Bundan sonra Turan-ın əməkdaşı Naxçıvan MR Gömrük Komitəsinin saytında yerləşdirilmiş (0-136) 45-75-29 və 44-50-09 nömrəli telefonlara zəng edib. Birinci telefona yenə Naxçıvan sakini cavab verib. “Bu nömrə mənim ev telefonumdur. Ara-sıra burada gömrük axtarırlar”, - cavabını verib. İkinci nömrə isə borca görə bağlıdır.
Daha sonra Turan agentliyi Azərbaycan Respublikası Gömrük Komitəsindən Naxçıvan Gömrük Komitəsinin (036) 5 44- 49-77 nömrəli həqiqi telefonunu almağa müvəffəq olub. Növbətçi hissədən bildiriblər ki, mətbuat işi ilə inspektor Rahim məşğul olur. Onun telefonu (036) 544 49-72-dir. Rahimin telefonu cavab vermir. Nəhayət, Sədərək Gömrük İdarəsinin həqiqi telefon nömrələrini Naxçıvan Gömrük Komitəsindən əldə edə bilmişik. Sədərək Gömrük İdarəsinin (036) 543-30-11 nömrəli telefonunda oturan növbətçi jurnalistlərə təzyiqlərlə bağlı məlumatsız olduğunu bildirib. Növbətçi Gömrük İdarəsinin rəis müavini ilə əlaqə saxlayıb. O isə bir saat ərzində adını demədiyi müavinin (036) 549-30-10 nömrəli telefonuna zəng çalmağı bildirib. Bundan sonra isə həmin telefonun dəstəyini qaldıran olmayıb.
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz