Naxçıvanlı hüquq müdafiəçilərinin mənzilinə daxil olmaq cəhdi
Bu gün günorta Naxçıvanlı hüquq müdafiəçiləri İlqar və Məlahət Nəsibovların mənzilinə daxil olmağa cəhd edilib.
İlqar Nəsibovun Turan-a verdiyi məlumata görə, naməlum şəxs onların Heydər Əliyev prospekti, ev 37, mənzil 91 ünvanındakı evinin qapısını qırmağa çalışıb.
“Kilid mexanizmi bayır tərəfdən ciddi zədələnib. Görünür ki, kilid boşluğuna kilidaçan taxaraq qapını açmağa çalışıblar. Lakin buna müvəffəq olmayıblar”, deyə Nəsibov bildirib.
O hesab edir ki, bunu yalnız xüsusi xidmətlər edə bilərdi, çünki Naxçıvanda ümumiyyətlə oğurluq yoxdur. “Qapıların, mənzillərin və müəssisələrin qapıları, faktiki olaraq, açıqdır, burada çoxdan oğurluq hadisəsi olmur”, deyə o bildirib.
Hüquq müdafiəçisi qeyd edib ki, evə təsadüfən qayıdıb, çünki həyat yoldaşı ilə birlikdə rayona qohumlarının toyuna getməyə hazırlaşırdı. “Bizim telefonlarımızı dinləyirlər və görünür, kimsə bizim yoxluğumuzdan istifadə etməyə çalışıb”, deyə o bildirib.
Bakıda vətəndaş cəmiyyətinə misli görünməmiş təzyiq fonunda Naxçıvanda, demək olar ki, yeganə olan hüquq müdafiəçilərinin təqibi tamamilə məntiqlidir. Nəsibovlar hesab edirlər ki, qanunsuz fəaliyyətdə ittiham etmək məqsədilə onlara qarşı təxribat hazırlanır.
Xatırladaq ki, Məlahət Nəsibova Naxçıvanda Demokratiyaya Dəstək Resurs Mərkəzinin rəhbəri, həmçinin jurnalistdir. İlqar Nəsibov da bu mərkəzdə işləyir və bir sıra KİV-lərlə əməkdaşlıq edir.
Əvvəlki illərdə Nəsibovlar yerli hakimiyyəti tənqid etdiklərinə və vətəndaş hüquqlarını müdafiə etdiklərinə görə müntəzəm olaraq təqibə məruz qalırdılar. -02В-
-
- İqtisadiyyat
- 6 Avqust 2014 17:55
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz