Nazim Bəydəmirlinin həyat yoldaşı onun səhhətinin pisləşdiyini açıqlayıb
Nazim Bəydəmirlinin həyat yoldaşı onun səhhətinin pisləşdiyini açıqlayıb
Keçmiş deputat və iş adamı Nazim Bəydəmirlinin həbsdə olarkən səhhəti pisləşib, bu barədə onun həyat yoldaşı bildirib.
“Nazim Bəydəmirlinin vəziyyətinin günü gündən pisləşməsinə baxmayaraq, onun ev dustaqlığına buraxılması ilə bağlı vəsatətimiz təmin edilmir”, – deyə o, Facebook səhifəsində yazıb.
Onun fikrincə, N.Bəydəmirlini yavaş-yavaş ölümə məhkum ediblər və bu, dövlət üçün biabırçılığa çevriləcək.
F.Beydəmirli qeyd edir ki, əri 404-cü gündür ki, “günahsız” olaraq həbsdədir.
N.Bəydəmirlinin çoxsaylı şikayətlərinə illərdir baxılmamasına baxmayaraq, “savadsız adam”ın ona qarşı əsassız şikayəti əsasında indi bir ildən artıqdır ki, həbsdə saxlanılır.
F.Bəydəmirli Turan-ın müxbiri ilə söhbətində qeyd edib ki, əri bir çox xəstəliklərdən əziyyət çəkir.
“Nazimin ürəyində impulsiv blokada var. O, qan təzyiqindən əziyyət çəkir. Tez-tez başgicəllənmələri olur. Lakin onun müalicəsi təmin edilmir. Mən açıqlama verəndə həkimlər göndərirlər, analizlər aparırlar. Bununla belə, analiz nəticələrinin etibarlılığına şübhə edirik. Nazimin dişlərində problem yaranıb”, - deyə F.Bəydəmirli bildirib.
O, N.Bəydəmirlinin aprelin 29-da başlayan məhkəmə prosesinin əsassız olaraq yubanmasını da diqqətə çatdırıb.
* N.Bəydəmirli 2023-cü il iyulun 4-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən Cinayət Məcəlləsinin 182.2.4-cü (Əmlakı ələ keçirmək məqsədi ilə hədə-qorxu ilə tələb etmə) maddəsini pozmaqda təqsirli bilinərək saxlanılıb.
Ertəsi gün məhkəmə onu 4 ay müddətinə həbs edib. Bəydəmirli ittihamı rədd edərək, onu uydurma adlandırıb.
Onun sözlərinə görə, həbsin əsl səbəbi Gədəbəy rayonunun Söyüdlü kənd sakinlərinin ətraf mühitin çirklənməsinə qarşı etiraz aksiyalarına dəstək verməsidir.
Sentyabrın 1-də Bəydəmirliyə qarşı Cinayət Məcəlləsinin 182.2.2-ci (hədə-qorxu ilə tələb etmə, dəfələrlə törədildikdə) maddəsi ilə ittiham irəli sürülüb.
Vəkilin sözlərinə görə, bu ittiham Bəydəmirlinin güya 1996-cı ildə Rusiya Federasiyasının Lipetsk şəhərində kimdənsə pul tələb etməsi ilə bağlıdır.
Hüquq müdafiəçiləri Bəydəmirlini siyasi məhbus kimi tanıyıblar.
-
- Cəmiyyət
- 10 Avqust 2024 13:53
Siyasət
-
İstanbul Universitetinin doktorantı, iqtisadçı Fazil Qasımov 58-ci gündür aclıq aksiyasını davam etdirir. Bu barədə “Turan”a avqustun 10-da Penitensiar xidmətin müalicə müəssisəsində onunla görüşəndən sonra yaxınları məlumat verib.
-
Avqustun 10-da Bakının Xətai Rayon Məhkəməsi “Abzas Media” işi üzrə həbs edilən jurnalist Elnarə Qasımovanın barəsində seçilmiş həbs-qətimkan tədbirinin müddətinin uzadılması ilə bağlı istintaq orqanının vəsatətini təmin edib.
-
Mərkəzi Seçki Komissiyası memar Elçin Əliyevin sentyabra təyin edilmiş parlament seçkilərində iştirak etmək üçün namizədliyini təsdiq edib. Bakının tikinti və yenidənqurma layihələrini kəskin tənqid etməsi ilə tanınan Əliyev uzun müddətdir ki, paytaxtın icra hakimiyyətini şəhərin tarixi görkəmini pozmaqda ittiham edir. O, mətbuatda tez-tez sitat gətirilən ekspert kimi Bakı şəhər rəhbərliyinin nöqsanlarını diqqətlə araşdırıb və Azərbaycanın nadir memarlıq irsini sənədləşdirib.
-
Bu yaxınlarda Gürcüstan hakimiyyəti belaruslu hüquq müdafiəçisi Roman Kislyakın beynəlxalq müdafiəsindən imtina edib, bu barədə “Pozirk” nəşri məlumat verir.
Rəy yaz