![Nazir E.Məmmədyarov Avropaya səfərə gedir](https://turan.az/resized/media/2016/main/083100167254-750-500-resize.webp)
Nazir E.Məmmədyarov Avropaya səfərə gedir
Xarici işlər naziri Elmar Məmmədyarov sentyabrın 1-də Almaniyanın Potsdam şəhərində keçiriləcək ATƏT üzv dövlətlərinin xarici işlər nazirlərinin qeyri-rəsmi toplantısında iştirak edəcək. Bu barədə Turan-a Azərbaycan XİN mətbuat xidmətinin rəhbəri Hikmət Hacıyev bildirib.
Onun sözlərinə görə, ATƏT-ə üzv dövlətlərin xarici işlər nazirlərinin görüşü ATƏT-in fəaliyyətdə olan sədri, Almaniyanın xarici işlər naziri Frank-Valter Ştanmayerin təşəbbüsü ilə keçirilir: “Bu görüşün məqsədi ATƏT-ə üzv dövlətlər arasında əməkdaşlığın daha da möhkəmləndirilməsidir, habelə ATƏT məkanına təsir üçün səmərli mexanimzlərin hazırlanması ilə bağlı müzakirələrin keçirilməsi gözlənilir”.
Bununla yanaşı, bildirilib ki, E.Məmmədyarov sentyabrın 3-də isə Slovakiyanın paytaxtı Bratislava şəhərində keçiriləcək Avropa İttifaqı üzv dövlətlərinin Şərq Tərəfdaşlığı ölkələri ilə qeyri-rəsmi görüşünə də qatılacaq.
H.Hacıyev deyib ki, bu toplantıda Şərq Tərəfdaşlığı proqramında iştirakçı olan dövlətlərin Avropa İttifaqı ilə ikitərəfli və çoxtərəfli münasibətlərin inkişaf etdirilməsi müzakirə obyekti olacaq.
E.Məmmədyarovun hər iki tədbirdə çıxışı və bir sıra ikitərəfli görüşləri nəzərdə tutulduğu da bildirilir.
Qeyd edək ki, Azərbaycan 1992-ci ildən ATƏT-in üzvüdür və üzv olduğu ilk Avropa təşkilatıdır.
Azərbaycan-Avropa İttifaqı münasibətləri isə 1996-cı ildə imzalanmış Tərəfdaşlıq və Əməkdaşlıq sazişi ilə nizamlanır. 2008-ci ildən Azərbaycan Aİ-nin Şərq Tərəfdaşlığı Proqramında yer alır. Bu proqramın məqsədi Aİ ilə münasibətləri daha yüksək səviyyəyə çatdrımaqdır. Bu proqrama 6 postsovet ölkəsi daxildir. Bunlardan Ukrayna, Moldova və Gürcüstan artıq Aİ ilə Assosiativ üzvlük sazişi bağlayıb.
Azərbaycan isə 2014-cü ildə bu sazişi imzalamaqdan imtina edərək qurumla ikitərəfli saziş imzalamğa üstünlük verdiyini bildirib. -05D-
Siyasət
-
İctimai fəal Nicat İbrahim sentyabrın 6-da Azərbaycandan çıxa bilməyib. Bakı beynəlxalq aeroportunun sərhəd məntəqəsində onu Kişinyov reysinə buraxmayıblar.
-
“Biz Cənubi Qafqazda sülhə nail ola bilərik və bu gün Azərbaycan ilə Ermənistan arasında sülh istiqamətində aparılan danışıqlarda görürük ki, bu mümkündür”, - prezident İlham Əliyev sentyabrın 6-da İtaliyada Çernobio Beynəlxalq Forumunda çıxış edərkən bildirib.
-
ABŞ Müdafiə Kəşfiyyat İdarəsinin Avropa Avrasiya Regional Mərkəzinin rəhbəri Patrik Prioru ABŞ-Azərbaycan təhlükəsizlik əlaqələrinin möhkəmləndirilməsi yolları ilə bağlı Azərbaycan hökumətilə danışıqlar aparmaq üçün Bakıya gəlib. Bu barədə ABŞ-ın Azərbaycandakı səfiri Mark Libbi öz Tvitter hesabında yazıb.
-
Cümə axşamı Ağ Ev Rusiya prezidenti Vladimir Putinə kəskin cavab verərək onu ABŞ-da prezident seçkilərinə müdaxilə etməməyə çağırıb.
Rəy yaz