Ötən gün Nəsimi Rayon Məhkəməsi NİDA hərəkatının gənc fəalı Zaur Qurbanlının həbs qətimkan tədbirinin ev həbsi ilə dəyişdirilməsi barədə vəsatətini təmin etməyib.
Vəkil Xalid Bağırov Turan-a bildirib ki, Z.Qurbanlının həbsdə saxlanması üçün heç bir əsas yoxdur. Onun barəsində heç bir istintaq hərəkəti aparılmır, qanunsuz partlayıcı maddənin saxlanması ittihamı üzrə heç bir sübut təqdim olunmayıb.
Bundan əlavə, gənc bronxial astmadan və talassemiyadan əziyyət çəkir. Onun qapalı yerdə saxlanması vəziyyətini pisləşdirir.
Vəkilin və qohumlarının müxtəlif qurumlara müraciətlərinə baxmayaraq, gəncin yanına etibarlı həkimlər buraxılmır.
Z.Qurbanlı mart-aprel aylarında həbs olunmuş yeddi nəfər NİDA fəalından biridir.
Amnesty İnternational gəncləri “vicdan məhbusları” hesab edir.—16B06-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz