Nəsimi rayon məhkəməsi T.Yaqublunu həbsdə saxladı

Bu gün Nəsimi rayon məhkəməsi Müsavat Partiyasının sədr müavini Tofiq Yaqublu barəsində həbs-qətimkan tədbirinin dəyişdirilməsi haqqında vəsatəti təmin etməyib.

Vəkil Akif Əlizadənin Turan-a verdiyi məlumata görə, proses Yaqublunun iştirakı ilə keçirilib.

Məhkəmə müdafiə tərəfin Yaqublunun “qatı cinayətkar” olmadığı, evini tərk etməməyə hazır olduğunu və şahidlərə təzyiq göstərmək niyyətində olmadığı haqqında dəlillərini diqqətə almayıb. 

Xatırladaq ki, Yaqublu və Respublikaçı Alternativ hərəkatının rəhbəri İlqar Məmmədov fevralın 4-də 23-24 fevral İsmayıllı hadisələri ilə əlaqədar həbs edilib. Onlara qarşı 233 (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315.2-ci (hakimiyyət nümayəndəsinə zor tətbiq etmə və ya müqavimət göstərmə) maddəsi ilə ittiham irəli sürülüb. 

Onlar bu ittihamları təkzib edir. Təqsirləndirilən şəxslərin vəkilləri bildirirlər ki, Yaqublu və Məmmədov yanvarın 23-də iğtişaşlar zamanı ümumiyyətlə İsmayıllıda olmayıb.

Yanvarın 24-də o, vəziyyətlə tanış olmaq və iğtişaşların səbəbləri haqqında yerli sakinlərdən məlumat almaq üçün şəhərə gediblər. -16B06-