NİDA-nın daha bir fəalı saxlanılıb

Bu gün günorta saatlarında NİDA gənclər hərəkatının İdarə Heyətinin üzvü Rəşad Həsənov mülki geyimli şəxslər tərəfindən saxlanılaraq, Baş Prokurorluğun ağır Cinayətlərə dair İşlər üzrə İstintaq İdarəsinə aparılıb.

 
    NİDA-nın koordinatoru Elmin Bədəlovun Turan-a verdiyi məlumata görə, Həsənov bir saatdan çoxdur vəkilinin dəvət olunmasını tələb edir, lakin bu tələbə məhəl qoyulmur.
 
    Xatırladaq ki, martın 9-da NİDA-nın üç fəalı – Şahin Novruzlu, Bəxtiyar Quliyev və Məmməd Əzizov saxlanılıb. Məhkəmə onların narkotik və partlayıcı maddələr saxlamaq ittihamı ilə 3 ay müddətinə həbsinə qərar verib.
 
    İstintaq onların mənzilində narkotik maddə və “Molotov kokteyli” aşkarlayıb. Lakin gənclərin ailə üzvləri bütün bunların mənzillərə gənc fəalları saxlayan MTN işçiləri tərəfindən qoyulduğunu iddia edirlər. -16B-
 

Rəy yaz

Siyasət

Bizi sosial şəbəkələrdə izləyin

Xəbər lenti