Ölkə başçısı İlham Əliyevin əmisi, Heydər Əliyevin qardaşı Cəlal Əliyev yanvarın 31-də 88 yaşında vəfat edib.
Milli Elmlər Akademiyasının məlumatında deyilir ki, mərhumla vida mərasimi bu gün saat 14:00-da AMEA-nın əsas binasında keçiriləcək. Dəfn 1-ci Fəxri Xiyabanda olacaq.
C.Əliyev AMEA-nın həqiqi üzvü, biologiya elmləri doktorudur. Uzun illər parlamentin deputatı, hakim Yeni Azərbaycan Partiyasının üzvü olub.
Qeyd edək ki, 1 fevral saat 11:00-dək rəsmi KİV və hökumtyönlü mənbələr bu haqda məlumat verməyiblər. Hətta Yeni Azərbaycan Partiyasından başsağlığı olmayıb.
Qeyri-rəsmi məlumatlara görə, bunun səbəbi ölkə rəhbərliyinin C.Əliyevə soyuq münasibətilə bağlıdır. -02D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz