Davit Babayan
Bakı/06.10.23/Turan: Azərbaycan Ombudsman Aparatının nümayəndələri Qarabağda separatçı rejimin keçmiş “xarici işlər naziri”, həbsdə olan Davit Babayana baş çəkiblər.
Başçəkmə işgəncələrin qarşısının alınması üzrə milli preventiv mexanizm çərçivəsində baş tutub, Ombudsman Aparatının mətbuat xidməti bildirib.
Ombudsmanın nümayəndələri Babayanı məxfi qaydada dinləyib, onun saxlanma şəraitini və rəftar, habelə həbs olunanların hüquqlarının təminatı vəziyyətini araşdırıblar.
Ombudsmanın nümayəndələri Babayanın müraciətlərinə cavab veriblər. O, kitabxanaya giriş və informasiya imkanları ilə təmin olunur.
"Davit Babayan saxlanma şəraitilə bağlı şikayət etməyib, müəssisəyə daxil olanda tibbi müayinədən keçib. Hüquqlarının müdafiəsi üçün vəkillə təmin edilib",- məlumatda deyilir.
Həbs olunanın ana dilində ombudsmana müraciət qaydasını izah edən qanunvericilik aktları və çap materialları Babayana təqdim edilib.
Babayan sentyabrın 29-da saxlanılıb. O, Azərbaycan Cinayət Məcəlləsinin təcavüzkar müharibənin planlaşdırılması, hazırlanması və aparılması, muzdluların hərbi əməliyyatlara cəlb edilməsi, hərbi əməliyyatlar zamanı beynəlxalq humanitar hüququn pozulması, hərbi əməliyyatlar zamanı cinayətlərin icrasına əmrlərin verilməsi, terrorizmin təşkili, milli düşmənçiliyin qızışdırılması maddələrilə ittiham olunub. 06B
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz