Ombudsmanın nümayəndələri Tural Abbaslıya qarşı qeyri-insani rəftara haqq qazandırırlar
Bu gün Ombudsman apparatının əməkdaşları 15 gün müddətinə inzibati qaydada həbs olunmuş və Binəqədi təcridxanasında saxlanılan Müsavat Partiyası gənclər təşkilatının lideri Tural Abbaslıya baş çəkiblər. Bu barədə Turan-a Ombudsman aparatının mətbuat xidmətindən bildirilib. Görüş zamanı T.Abbaslı saxlanma şəraitindən və ona qarşı münasibətdən narazılığını bildirib.
Ombudsman aparatının məlumatında deyilir ki, saxlandığı günlərdə daxili nizam qaydalarını pozduğuna görə ona müxtəlif günlərdə hər biri 2 saatdan çox olmamaqla əl qandalı cəzası tətbiq edilib və bu haqda müvafiq aktlar tərtib edilib. Buna daxili işlər nazirinin 2010-cu il 30 oktyabr tarixli 480 saylı əmri ilə təsdiq edilmiş “Polis orqanlarının inzibati həbs olunanların saxlanılma məntəqələri haqqında əsasnamə”nin tələblərinin pozulması səbəb olub. Əsasnamənin tələbləri T. Abbaslının diqqətinə çatdırılıb. Eyni zamanda ona vəkili və ailə üzvləri ilə görüş verilir.
T. Abbaslının qaldırdığı bəzi məsələlər yerində həll edilib. Bu barədə onun anası məlumatlandırılıb, eyni zamanda müəssisənin rəisinə müvafiq tapşırıqlar verilib.
Digər mənbələrdən daxil olan xəbərlərdə isə T.Abbaslıya qarşı qeyri-insani rəftarın davam etdiyi bildirilir. Belə ki, T.Abbaslı gündə 2-3 saat qolu qandallı saxlanılır. Buna səbəb kimi T.Abbaslının təcridxana rəisi otağa daxil olanda ayağa durmaması göstərilir. Bu cür itaətsizlik davam edərsə, təcridxana rəisi məhkəməyə müraciət edərək T.Abbaslının həbsini tələb edə bilər. Eyni zamanda təcridxana rəisi T.Abbaslıya bildirib ki, müxalifətdən zəhləsi gedir. - 16D-
Siyasət
-
Bazar ertəsi Bakı Ağır Cinayətlər Məhkəməsi "Müsəlman Birliyi" Hərəkatının üzvü Həsən Abbaszadəni üç il müddətinə azadlıqdan məhrum edib.
-
Oktyabrın 28-də prezidenti İlham Əliyev Pakistan İslam Respublikası Birləşmiş Qərargah Rəisləri Komitəsinin sədri general Sahir Şamşad Mirzanı qəbul edib.
-
Oktyabrın 28-də Bakıda “Enerji təhlükəsizliyi və iqlim dəyişikliyi üzrə Azərbaycan-NATO əməkdaşlığı” mövzusunda “dəyirmi masa“ keçirilib.
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
Rəy yaz