Orta Dəhlizin reallaşması Ermənistan və Azərbaycan arasında müqavilədən başlayacaq - O'Brayen
Orta Dəhlizin reallaşması Ermənistan və Azərbaycan arasında müqavilədən başlayacaq - O'Brayen
Vaşinqton Orta Dəhlizi bütün region üçün vacib addım hesab edir, bu barədə iyunun 28-də Bakıda keçirilən brifinqdə ABŞ dövlət katibinin Avropa və Avrasiya Məsələləri üzrə köməkçisi Ceyms O'Brayen bildirib.
"Biz inanırıq ki, Orta Dəhliz bütün region üçün vacib addımdır. Mərkəzi Asiya ölkələri beynəlxalq bazarlara Rusiya və Çindən keçməklə ixracat həyata keçirir. Lakin indi biz onların bunu Xəzər dənizi vasitəsilə edə biləcəyini görürük. Bu yol həm Gürcüstandan, həm də Ermənistan və Türkiyədən keçə bilər. Bu imkandan istifadə etmək nəqliyyat xərclərini azaltmağa, həmçinin geosiyasi müdaxilədən təhlükəsiz alternativləri təmin etməyə imkan verəcək. Tacikistandan Türkiyəyə qədər bütün xalqlar bu dəhlizin açılmasından faydalanacaq. Biz inanırıq ki, bu, bütün maraqlı tərəflərin razılığı ilə edilməlidir və biz bilirik ki, bu, Ermənistan və Azərbaycan arasında anlaşmadan başlayır", deyə o qeyd edib.
Orta Dəhliz infrastrukturunun tamamlanması işlərinin maliyyələşdirilməsinə gəlincə, O'Brayenin sözlərinə görə, buna Dünya Bankı, Avropa Yenidənqurma və İnkişaf Bankı, Avropa İnvestisiya Bankı, həmçinin ABŞ-ın maliyyə korporasiyaları maraq göstərə bilər.
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz