![O'Brayen Bakını insan hüquqları sahəsində beynəlxalq öhdəliklərinə riayət etməyə çağırıb](https://turan.az/resized/news/2024/rtry1bVJJvbhNu1QakuPkvCR90NbRRRMxiIcaNJk-750-500-resize.webp)
O'Brayen Bakını insan hüquqları sahəsində beynəlxalq öhdəliklərinə riayət etməyə çağırıb
O'Brayen Bakını insan hüquqları sahəsində beynəlxalq öhdəliklərinə riayət etməyə çağırıb
ABŞ dövlət katibinin Avropa və Avrasiya məsələləri üzrə köməkçisi Ceyms O'Brayen Azərbaycan hakimiyyətini insan hüquqları sahəsində beynəlxalq öhdəliklərinə riayət etməyə çağırıb.
O, Bakıya səfəri zamanı vətəndaş cəmiyyəti fəalları ilə görüşüb.
"Bakıda hüquq müdafiəçiləri və vətəndaş cəmiyyəti nümayəndələri ilə görüşdük və Azərbaycan hökumətinə insan hüquqları sahəsində beynəlxalq öhdəliklərinə riayət etmək çağırışını təkrar etdik", deyə O'Brayen X sosial şəbəkəsində yazıb.
O, həmçinin istintaq altında olan müxalif siyasətçi və iqtisadçı alim Qubad İbadoğlu ilə görüşüb.
"Doktor Qubad İbadoğlu ilə görüşüb fəal vətəndaş cəmiyyətinin vacibliyini müzakirə etməkdən şərəf duyuram. Biz onun tamamilə və ən qısa zamanda azad olunmasına çağırış etməyə davam edirik", deyə O'Brayen qeyd edib.
İyunun 28-də keçirilən brifinqdə O'Brayen Azərbaycanda müstəqil mətbuata təzyiqlə bağlı da şərh verib.
"ABŞ ifadə azadlığının və müstəqil jurnalistikanın vətəndaş cəmiyyətinin əsas tərkib hissələri olduğuna inanır. Biz bütün dünyada müstəqil jurnalistikanı dəstəkləyirik və buna davam edirik", deyə O'Brayen bildirib. Onun sözlərinə görə, Bakıdakı görüşlərində "müstəqil jurnalistikanın cəmiyyətin inkişafının və yetkinləşməsinin vacib tərkib hissəsi olduğu vurğulanıb".
-
- Cəmiyyət
- 29 İyun 2024 08:18
Siyasət
-
Bu gün Azərbaycan prezidenti İlham Əliyev Filippin, Kanada və Qırğızıstanın yeni təyin edilmiş səfirləri - Henri Jr. Bensurton, Kevin Hamilton və Maksat Mamıtkanovun etimadnamələrini qəbul edib.
-
Azərbaycan BMT-nin iqlim dəyişikliyi üzrə növbəti konfransını - COP29-u qəbul etməyə hazırlaşdığı bir vaxtda bir qrup azərbaycanlı hüquq müdafiəçisi Azərbaycanda repressiyalara son qoyulması üçün birgə kampaniyaya başlayıb, bu barədə "Progress & Change Action Lab"ın - Cenevrədə yerləşən qeyri-kommersiya məsləhət qrupunun məlumatında deyilir.
-
İyunun 28-də ADR Gənclər komitəsinin üzvü Pərvin Çobanov 20 sutka inzibati həbsə məhkum edib. O polisin qanuni tələbinə tabe olmamaqda günahlandırılıb.
-
İyunun 28-də Bakının Nərimanov Rayon Məhkəməsi hakim Hafiz Kamranovun sədrliyi ilə İstanbul Universitetinin doktorantı Fazil Qasımov barəsində seçilmiş həbs qətimkan tədbirinin ev dustaqlığı tədbiri əvəz olunması barədə vəsatəti təmin etməyib.
Rəy yaz