Parlament bir sıra ikitərəfli sazişləri təsdiq edib

Milli Məclisin bugünki plenar iclasında deputatlar “Azərbaycan və Serbiya arasında strateji tərəfdaşlıq və dostluq münasibətləri haqqında” bəyannaməni təsdiq ediblər. Sənəd dövlət başçıları tərəfindən 8 fevral 2013-cü ildə Serbiya prezidentinin Bakıya rəsmi səfəri çərçivəsində imzalanıb.

Bundan başqa, Azərbaycan və Serbiya arasında baytarlıq sahəsində əməkdaşlıq haqqında ikitərəfli saziş təsdiq edilib.

Bir sıra digər rəsmi sənədlər: Küveytlə “Gömrük işi sahəsində əməkdaşlıq və qarşılıqlı yardımlaşma haqqında” və “Təhlükəsizlik və cinayətkarlığa qarşı mübarizə sahələrində əməkdaşlıq haqqında”;

Sloveniya ilə “Beynəlxalq avtomobil əlaqələri haqqında” və “Xidməti pasport sahibləri üçün vizalardan qısamüddətli imtina haqqında”;

Çinlə “Azərbaycan səfirliyi binasının tikintisi üçün torpaq sahəsindən istifadə haqqında” sənədlər imzalanıb. -17С-