Açiq mənbələrdən foto.
Parlament tarixi qələbə münasibətilə prezidenti və xalqı təbrik edib
Bakı/13.11.20/Turan: Milli Məclisə Azərbaycan Respublikasının prezidenti, Silahlı Qüvvələrin ali baş komandanı İlham Əliyevə və Azərbaycan xalqına müraciət qəbul edib.
Müraciətdə Qarabağ münaqişəsi tarixinə ekskurs edilir, Azərbaycanın uğurlu hərbi əməliyyatları qeyd olunur və bunun nəticəsində Azərbaycan torpaqlarının xeyli hissəsinin işğaldan azad olunduğu bildirilir.
Parlament 10 noyabr 2020-ci ildə imzalanmış üçtərəfli bəyanatı dəstəkləyib. Sənədə əsasən Azərbaycan torpaqlarının işğaldan tam azad edilməsi nəzərdə tutulub.
Beləliklə, məcburi köçkünlər BMT-nin Qaçqınlar üzrə Ali Komissarlığının ofisinin nəzarəti altında Dağlıq Qarabağ ərazisinə və ona bitişik rayonlara qayıdacaq, hərbi əsirlər, girovlar və digər saxlanılanların, eləcə də cəsədlərin mübadiləsi həyata keçiriləcək, nəqliyyat kommunikasiyaları, o cümlədən Azərbaycanın qərb rayonları ilə Naxçıvan Muxtar Respublikası arasında nəqliyyat kommunikasiyaları açılacaq.
“Tarixi əhəmiyyət daşıyan bu bəyanat çoxillik münaqişə və müharibədə Azərbaycan xalqının şanlı qələbəsini nümayiş etdirir. Tarixi ədalət öz yerini tutdu. Azərbaycanın ərazi bütövlüyü bərpa olundu. Bu möhtəşəm qələbəyə görə möhtərəm cənab prezident, sizə sonsuz minnətdarlığımızı bildiririk. Sizin uzaqgörən rəhbərliyiniz ilə Azərbaycanın böyük iqtisadi potensialı yaradılıb, müasir hərb nəzəriyyəsinin və taktikasının tələblərinə cavab verən güclü Azərbaycan Silahlı Qüvvələri qurulub. Sizin dəmir iradəsiniz, sarsılmaz əzminiz və digər qətiiyətiniz sayəsində həm döyüş meydanında, həm danışıqlar masasında parlaq nailiyyət qazanılıb”, - bəyanatda deyilir.
Müraciət müəllifləri hesab edirlər ki, Dağlıq Qarabağ probleminin həlli ilə Azərbaycan daha yüksək sürətlə inkişaf edərək regional güc mərkəzlərinə və qüdrətli dünya dövlətlərinin birinə çevriləcək.
“Biz bu yolda Azərbaycan prezidenti, Silahlı Qüvvələrin ali baş komandanı İlham Əliyev başda olmaqla xalqımıza yeni-yeni uğurlar arzulayırıq. Eşq olsun, ali baş komandan İlham Əliyevə! Eşq olsun, müzəffər Azərbaycan Ordusuna! Yaşasın, Azərbaycan xalqı! Qarabağ Azərbaycandır!”, - müraciətdə vurğulanır.—06В-
Siyasət
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
Rəy yaz