Müsavat Partiyası partiyanın həbsdə olan sədr müavini Tofiq Yaqublunun hüquqlarının pozulması ilə bağlı bəyanat yayıb.
Müəlliflər T.Yaqublunun “İsmayıllı işi” ilə bağlı 5 il azadlıqdan məhrum edilməsini “qondarma iş” adlandırır. Sənəddə T.Yaqubluya təzyiqlərin həbsxanada da davam etdirildiyi, müxalifət qəzetlərinin verilmədiyi qeyd olunur.
Sənədə görə, “Yeni Müsavat” və “Azadlıq” qəzetləri T.Yaqubluya verilməzdən öncə qanunsuz senzuradan keçirilir, siyasi mövzulu yazıların əksəriyyəti kəsilir.
Hətta qayçılanmış qəzetlər belə T.Yaqubluya verilmir. Həbsxana rəhbərliyi ayırdığı otaqlardan birində qısa vaxt ərzində qəzet oxumasına şərait yaradır, abunə olduğu mətbuat nüsxələrini özündə saxlamasına imkan verilmir.
Müəlliflər ölkə qanunları çərçivəsində nəşr edilən bu qəzetlərin T.Yaqubluya verilməməsini kobud qanun pozuntusu, həm də mənəvi işgəncə kimi dəyərləndirir.
Sənəddə rəsmi Bakının T.Yaqublu ilə baglı belə qeyri-humanist davranışının hiddət dogurduğu nəzərə çatdırılır.
Son olaraq, müəlliflər iqtdiarı qanunsuz hərəkətlərdən əl çəkməyə, T.Yaqublunun mətbuatla tanış olmaq və abunə olduğu qəzetləri tam şəkildə əldə etmək hüququnu dərhal təmin etməyə çağırırlar. -05D-
Siyasət
-
Azərbaycanda həbs edilmiş tədqiqatçı İqbal Əbilovun 35 yaşının tamam olduğu gün həmkarları və yoldaşları onun işinə diqqət cəlb etmək üçün Avropanın müxtəlif şəhərlərində, o cümlədən Vilnyus, Belqrad, Varşava və Portoda aksiyalar keçiriblər.
-
İbtidai istintaqın yekunlarına görə Kanal-13 İnternet-TV-nin direktoru Əziz Orucova qarşı CM-in 206.3.2-ci (qaçaqlamçılıq, qabaqcadan əlbir olan bir qrup şəxs tərəfindən törədildikdə) maddəsi ilə irəli sürülmüş ittiham ləğv edilib.
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
Rəy yaz